Чанде пеш дар ноҳияи Хуросон бо ибтикори Муассисаи давлатии мактаби варзишиши ноҳия ва Бахши кор бо ҷавонон ва варзиш бахшида ба “Соли ҷавонон” мусобиқаи варзишӣ аз рӯи намуди кикбоксинг (К-1) байни наврасону ҷавонон баргузор гардид.

Дар мусобиқа 120 нафар варзишгарон аз шаҳру ноҳияҳои минтқаи Қурғонтеппа аз ҷумла Сарбанд, Қурғонтеппа Фархор, Бохтар ва Хуросон ширкат варзиданд.

Ҳадаф аз  баргузории  мусобиқа  баланд бардоштани руҳияи ватандӯстии наврасону ҷавонон, пешгирии шомилшавии ҷавонон ба ҳизбу ҳаракатҳои террористиву экстремистӣ арзёбӣ гардид.

Аз руйи натиҷагирии доварони мусобиқа дастаи шаҳри Қӯрғонтеппа ҷойи якумро ишғол кард. Мақоми дуюм насиби варзишгарони ноҳияи Хуросон ва ҷойи сеюмро дастпарварони мактаби варзишии ноҳияи Фархор соҳиб шуданд.

Ғолибони мусобиқа аз тарафи муассисаи давлатии мактаби варзишии ноҳияи Хуросон бо диплом ва медалҳо сарфароз гардонида шуданд.

Умед Мирзоев, “ҶТ”