Дар доираи иҷрои “Барномаи давлатии маҷмуии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” бо ташаббуси Сарраёсати ҳифзи муҳити зист дар шаҳри Душанбе, инчунин шуъбаи ҳифзи муҳити зист дар ноҳияи Фирдавсӣ дар шаҳракҳои 64 ва 65 –и пойтахт бо таъсиси гурӯҳҳои корӣ корҳои фаҳмондадиҳӣ гузаронида шуд. Дар ин бора АМИТ “Ховар” иттилоъ дод.

Масъулин зимни вохӯрӣ аз сокинон даъват ба амал овардаанд, ки дар таъмини тозагии шаҳрак, ободонию созандагӣ, ниҳолу гулшинонӣ, аксия ва ҳашарҳо саҳм гузошта, дар баланд бардоштани маърифати экологии аҳли ҷомеа, бахусус наврасону ҷавонон, нақш гузоранд.

Дар назар аст, ки Сарраёсати ҳифзи муҳити зист дар шаҳри Душанбе дар доираи иҷрои ин Барнома чунин корҳои фаҳмондадиҳиро дар шаҳраку маҳаллаҳои ноҳияҳои Исмоили Сомонӣ, Сино ва Шоҳмансур низ ба роҳ монад.

Таҳмина ЮСУФӢ, “ҶТ”