МУАЛЛИФ: ШЕРАЛӢ ҶАЛОЛОВ

Бо ташаббуси Кумитаи ҷавонон, варзиш ва сайёҳӣ 13-14 январ дар шаҳрҳои Ҳисор ва Турсунзода дар мавзӯи “Иштироки ҷавонон дар бартарафозии омилҳои номатлуби иҷтимоӣ” миззи мудаввар баргузор гардид.

Исмоил Шерхонов, сармутахассиси Раёсати кор бо ҷавонони Кумитаи ҷавонон, варзиш ва сайёҳӣ дар баромади хеш яке аз масъалаҳои ҷиддии замони муосир, ки хатари минтақавию байналмилалиро ба бор овардаасту дар ҳамаи қитъаҳои ҷаҳон тамоюли паҳншавӣ дорад, мавриди муҳокима гузошта, тавваҷҷуҳи иштирокчиёнро баҳри пешгирии он равона намуда, иброз дошт, ки дар мубориза бурдан бо радикализм, ифротгароӣ ва терроризим бояд ҳамаи қишрҳои ҷомеа, аз ҷумла ҷавонон масъулият эҳсос намуда, дар якҷоягӣ бо ниҳодҳои давлатӣ бо он мубориза бурда, ҷомеаро аз оқибати он эмин нигоҳ дорем.

Миззи мудаввар дар доираи “Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2016-2018” доир гардида, баргузории чунин чорабинӣ дар ноҳияҳои Варзоб ва Рӯдакӣ низ дар назар аст.