Ба муносибати “Соли ҷавонон” ва 20 – солагии Рӯзи Ваҳдати миллӣ дар ноҳияи Рӯшон мусобиқаи “Тӯпи чармин” оғоз ёфт.

Мудири Бахши ҷавонон, варзиш ва сайёҳии ноҳия Холисамо Саидхонова иттилоъ дод, ки мусобиқаи футбол байни 11 дастаи ноҳиявӣ аз ҳисоби наврасону ҷавонон ташкил шуда, то санаи 12 – уми ҳамин моҳ давом меёбад.

Чорабинии варзишӣ ҳамчунин ба хотири рушди футболи тоҷик, таҳкими тарзи ҳаёти солим, дӯстиву ҳамадигарфаҳмӣ байни ҷавонону наврасон аз тарафи Бахши ҷавонон, варзиш ва сайёҳии ноҳия роҳандозӣ шудааст.

Ғолибонро Ҷоми Бахш, ифтихорнома ва мукофотпулӣ аз 900 то 3000 сомонӣ интизор аст.

Машҳур ИМОМНАЗАРОВ, “ҶТ”