Бо ташаббуси Бахши кор бо ҷавонон ва варзиши ноҳияи Ишкошим дар толори мактаби таҳсилоти № 21, ҷамоати деҳоти Рустамбек Юсуфбекови ноҳияи мазкур мусобиқаи тенниси рӯи миз баргузор гардид.

Дар мусобиқа 8 дастаи мардонаву занона аз ҳисоби ҷавонону наврасони ноҳия миёни ҳам дар ду давра даставӣ ва инфиродӣ рақобат намуданд.

Аз рӯи натиҷаҳои охир дар даври даставии байни мардон ҷойи аввалро дастаи “Мактаби варзишӣ” гирифт. Ҷойи дуюм насиби дастаи “Ҷавонони маркази ноҳия”шуда, дастаи “Маҳаллаи рушд” ҷойи сеюмро касб намуд.

Дар бозии инфиродии миёни бонувон ҷои аввалро Хубон Амонбекова, хатмкунандаи мактаби № 21 касб намуд. Ҷойи дуюм насиби Бибиҷон Амонбекова, хатмкунандаи мактаби № 44 гардида, Мадина Ҷумъахонова, теннисбози ҷамоати деҳоти Питуп зинаи сеюмро ишғол кард.
Ғолибон бо мукофоту ифтихорномаи Бахши кор бо ҷавонон ва варзиши ноҳия сарфароз шуданд.

Машҳур ИМОМНАЗАРОВ, “ҶТ”