Бо ибтикори Мактаби варзишии ноҳияи Шуғнон дар мавзеи Сохчарви ҷамоати Мирзоҷон Ширинҷонови ноҳия мусобиқаи футбол доир гардид, ки дар он 8 даста миёни ҳам рақобат намуданд.

Ба гуфтаи Назулло Қумайдонов, сарвари мактаби мазкур мусобиқа ба муносибати “Соли ҷавонон” бахшида шуда, дар он беш аз 200 нафар ҷавонон иштирок намуданд.

Аз рӯйи натиҷаҳои даври ниҳоӣ дастаи “Шуғнон – 1” дастаи “Шуғнон – 2” – ро бо ҳисоби 3 : 1 шикаст дода, ҷои аввалро ишғол намуд.
Ғолибон аз ҷониби Бахши кор бо ҷавонон ва варзиши ноҳияи Шуғнон ва Мактаби варзишии ноҳия бо ифтихорномаву тӯҳфаҳои хотиравӣ қадрдонӣ гардиданд.

Машҳур ИМОМНАЗАРОВ, “ҶТ”