Дар муассисаи давлатии “Маркази ҷавонони ВМКБ” бо ибтикори Раёсати кор бо ҷавонон ва варзиши вилоят миёни донишҷӯёни Донишгоҳи давлатии Хоруғ ба номи Моёншо Назаршоев (ДДХ) ва Омӯзшгоҳи таббии шаҳр даври дуюми озмуни интелектуалии “Донишвар” доир гашт.

Озмун бо ҳадафи ҷалби ҳарчи бештари ҷавонон ба илмомӯзӣ, аз худ намудани донишҳои замонавӣ, бедори шавқи китобхонӣ дар ниҳоди наслҳо ва тарбияи ҷавонон дар рӯҳияи хештаншиносӣ мебошад.

Аз рӯи натиҷаҳои ин давр ҷойи аввалро Донишгоҳи давлатии Хоруғ гирифт. Ба гуфтаи Юсуф Асадбеков, муовини сардори раёсат даври сеюм (ниҳоӣ) дар ояндаи наздик байни муҳассилини донишгоҳи болозикр ва Донишгоҳи Осиёи Марказӣ мегузарад ва ғолибонро туҳфаҳои хотиравии раёсат интизор аст.

Машҳур ИМОМНАЗАРОВ, “ҶТ”