Вазорати корҳои хориҷии Ҷумҳурии Тоҷикистон бо нашри як изҳорот ҳодисаи задухӯрди мусаллаҳона дар минтақаи ал-Вади ал-Кабирии шаҳри Масқати Салтанати Умонро маҳкум намуд.

Вазорат аз ҳама гуна амалҳои ҷиноятӣ ва хушунатбор, ки ҳадафи бесуботию нооромсозии ҷомеаро дорад, изҳори нигаронӣ намуда, ба пайвандони қурбониёни ин ҳодиса тасаллият ва ба осебдидагони таманнои шифои комил кард.

Ёдовар мешавем, ки амали террористӣ дар шаҳри Масқати Салтанати Умон шоми 15 июл рух дода, 9 нафар кушта ва 30 нафар осебдида дар пай гузошт.

Ин ҳамларо гурӯҳи террористии “Давлати исломӣ” ба ӯҳда гирифта аст. Гуфта мешавад, ки се ҳамлагари ин ҳодиса кушта шудаад.

“Давлати исломӣ” соли 2015 дар Тоҷикистон созмони террористӣ эълон шуда, фаъолияти он дар ҳудуди ҷумҳурӣ манъ гардид.

Сайёраи ҚИЁМИДДИН, “ҶТ”