31 январ Раҳим Саидзода, вазири маориф ва илми Ҷумҳурии Тоҷикистон зимни нишасти матбуотии худ иттилоъ дод, ки норасоии омӯзгорони мактабҳои миёна то ҳадде коҳиш ёфтааст.

Бино ба гуфти вазир, айни ҳол дар Тоҷикистон норасоӣ ба кадрҳои омӯзгорӣ ба 281 нафар мерасад, ки аз ин шумора қисми зиёдаш ба ноҳияҳои тобеи марказ рост меояд.

Дар идома вазир қайд намуд, ки аз ҳисоби донишҷӯёни курсҳои 4 ва 5-и муассисаҳои таҳсилоти олии касбӣ 1957 нафар донишҷӯ ба муассисаҳои таҳсилоти миёнаи умумӣ ҷалб гардиданд.

Яҳё МАҲМАДНАБИЕВ, “ҶТ”