Ҷумҳурии Тоҷикистон 18 марти соли равон ба Ҷумҳурии Исломии Эрон корвони ёрии башардӯстона тариқи 110 мошини боркашониро ирсол намуд.

Дар ин бора Маркази матбуоти Президенти Ҷумҳурии Тоҷикистон иттилоъ дода, зикр мекунад, ки ин кумакҳои башардӯстона бо дастури Сарвари давлат ирсол гардидааст.

Ба иттилои манбаъ, дар ин мошинҳо доруворӣ, маводи санитарию беҳдоштӣ, сару либоси кӯдакона, анвои гуногуни хӯрокворӣ, ашёи рӯзгор, рахти хоб, хаймаҳо, масолеҳи сохтмонӣ ва дигар лавозимот ҷойгир буданд.

Зикр гардид, ки корвони ёрии башардӯстонаи Тоҷикистон ба ҷониби Ҷумҳурии Исломии Эрон дар роҳ аст ва ба зудӣ дастраси мардуми ниёзманд мегардад.