СИЁСАТ
Шанбе 06 Июн 2026 12:54
Таваҷҷуҳи бевоситаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Президенти Кумитаи миллии олимпии Ҷумҳурии Тоҷикистон, муҳтарам Эмомалӣ Раҳмон ба самти тарбияи ҷисмонӣ ва варзиш боис гардид, ки ин соҳа яке аз самтҳои афзалиятноки сиёсати иҷтимоии давлату ҳукумат пазируфта шавад. Пас аз дастгирӣ ва иқдомҳои наҷиби Пешвои миллат, варзишгарони мо имконияти иштирок ва муаррифӣ намудани кишвари азизамонро дар арсаи ҷаҳонӣ пайдо намуданд, ки далели равшани он анқариб ҳамарӯза сазовори мақомҳои ифтихорӣ гардидани варзишгарони кишвар дар арсаи байналмилалӣ мебошад.
Соли 2024 дар ҳаёти варзишии кишвар як қатор рӯйдодҳо ба амал омаданд, ки муҳимтаринашон сазовор гардидани се варзишгари кишвар бо нишони Бозиҳои олимпӣ, баргузории аввалин Гран-Слам дар Душанбе, Чампионати гӯштини миллӣ (Гӯштингирӣ) ва аввалин Чемпионати ҷаҳони ҷудо байни ҷавонон дар кишвар мебошад.
Барои шароит муҳайё намудан ҷиҳати баргузории мусобиқаҳои байналмилалӣ дар пойтахт нақши Пешвои миллат муҳтарам Эмомалӣ Раҳмон аввалиндараҷа мебошад.
ДАСТГИРИИ ОЛИМПИЧИЁНИ-ПАРИЖ-2024
Рӯйдоди муҳиму таъсирбахш дар соли равон ин XXXIII Бозиҳои олимпии Париж-2024 буд, ки аз 26 июл то 11 август дар шаҳри Парижи Фаронса баргузор шуд. Ҳайати олимпии Тоҷикистон, ки аз 14 варзишгар иборат буд, сазовори се медали биринҷӣ гашт, ки дар таърихи варзиши кишвар беназир аст. Қаблан дар ягон Бозиҳои тобистонаи олимпӣ варзишгарони мо 3 медал нагирифта буданд. Медалҳоро Сомон Маҳмадбеков (-81 кг), Темур Раҳимов (+100 кг) дар ҷудо ва Давлат Болтаев (-92 кг) дар бокс сазовор гаштанд.
Пас аз бозгашт таърихсозони меҳанро санаи 14 август дар Қасри миллат Президенти Ҷумҳурии Тоҷикистон муҳтарам Эмомалӣ Раҳмон ба ҳузур пазируфтанд. Пешвои миллат ба ҳар як ҷоизадори Бозиҳои олимпии Париж-2024 мукофоти давлатӣ - ордени Шараф дараҷаи II, 200 ҳазор сомонӣ - Ҷоизаи Президенти Ҷумҳурии Тоҷикистон, хонаи истиқоматӣ ва мошини муосири барқӣ тақдим намуданд.
Сарвари давлат муҳтарам Эмомалӣ Раҳмон дастоварди онҳоро дар Бозиҳои тобистонаи олимпии Париж-2024 ба варзишгарон ва мардуми кишвар табрику таҳният гуфта, таъкид доштанд, ки нишондоди онҳо дар таърихи соҳаи варзиши тоҷик дастоварди бузург мебошад ва ин натиҷаи талошҳову тадбирҳои Ҳукумати Ҷумҳурии Тоҷикистон, Кумитаи миллии олимпӣ, федератсияҳои варзишӣ ва заҳмати содиқонаи худи паҳлавонон аст, ки аз як чорабинии бузурги ҷаҳонӣ бо натиҷаҳои арзанда ба Ватан баргаштанд.
Президенти кишвар муҳтарам Эмомалӣ Раҳмон иброз доштанд, ки дар байни 206 давлати дунё сазовори медал гардидан ва Парчами давлатиро боло бардоштан, ин шарафи бузург, омили муҳими муаррифии давлату миллат, баланд бардоштани обрӯву нуфузи кишвар дар арсаи ҷаҳонӣ ва ҳавасмандгардонии наврасону ҷавонони тоҷик ба варзиш ва тарзи ҳаёти солим мебошад.
БОЗИҲОИ ОСИЁ
Рӯйдоди муҳими дигари сол, ки варзишгарон шарафёб гардиданд, то аз дасти Сарвари варзишпарвари кишвар инъом гиранд, ин XIX Бозиҳои Осиё ба шумор меравад, ки аз 23 сентябр то 8 октябри соли 2023 дар шаҳри Ҳангжоуи Чин доир гашт. Ҳайати олимпии Тоҷикистон иборат аз 108 варзишгар, аз рӯи 18 намуди варзиш ба бозиҳо сафарбар гардида, 7 медал: 2 тилло, 1 нуқра ва 4 биринҷӣ ба даст оварданд. Медалҳои тиллоро Сомон Маҳмадбеков дар риштаи ҷудо (-81 кг) ва Давлат Болтаев дар бокс (-92 кг) ба даст оварданд. Ягона медали нуқраро паҳлавони маъруфи кишвар Темур Раҳимов дар ҷудо (+100 кг) сазовор гашт. Беҳрӯз Хоҷазода дар ҷудо (-73 кг), Миҷгона Самадова дар бокс (-57 кг), Хайрандеш Муродзода (-66 кг) ва Ҳақназар Назаров (-90 кг) дар кураш медали биринҷӣ гирифтанд.
Барандагони медали тилло бо Ҷоизаи Президенти Ҷумҳурии Тоҷикистон ба маблағи 150 ҳазор сомонӣ, барандагони медали нуқра ва биринҷӣ мутаносибан бо 100 ҳазор ва 50 ҳазор сомонӣ қадр шуданд. Ҳамчунин, аз ҷониби раиси шаҳри Душанбе муҳтарам Рустами Эмомалӣ ба ғолибону ҷоизадорон хонаҳои сеҳуҷрагӣ, дуҳуҷрагӣ ва якҳуҷрагӣ тақдим гардид.
ГӮШТИНГИРӢ
Рӯзҳои 30-31 август шаҳри Душанбе мизбони аввалин Чемпионати ҷаҳон оид ба гӯштингирӣ шуд, ки дар он 200 варзишгар аз 63 давлат ширкат дошт. Иштироки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маросими кушодашавӣ ба Чемпионат шукӯҳи дигар бахшид.
Дар Конгресси байналмилалӣ, ки дар доираи Чемпионат бо иштироки намояндагони 62 давлат доир гашт, Президенти ҷумҳурӣ муҳтарам Эмомалӣ Раҳмон Президенти фахрии Федератсияи байналмилалии гӯштингирӣ интихоб шуданд.
Ҳузури Пешвои миллат гӯё ба варзишгарон руҳияи рустамона бахшида бошад, ки дар аввалин Чемпионати ҷаҳонии гӯштини миллӣ – гӯштингирӣ 11 медал (5 тилло, 1 нуқра, 5 биринҷӣ) ба даст оварданд. Миёни мардон аз 6 вазн дар панҷтоаш паҳлавонони тоҷик пирӯз гаштанд: дар вазни -65 кг Муллораҷаб Халифаев, дар вазни -71 кг Масъуди Аҳмадзод, дар вазни -86 кг Ҳақназар Назаров, дар вазни -75 кг Кароматулло Ҳакимов ва дар вазни +95 кг Шакармамад Мирмамадов. Медали нуқраро Шоҳида Қаландарова дар вазни -70 кг миёни бонувон сазовор шуд. Шаҳбоз Саидаброров (-65 кг), Мирзоҷамил Рамазонов (-71 кг), Қоим Шукронов (-78 кг), Улуғбек Раҳимов (-95 кг) миёни мардҳо, Мадина Қурбонзода (-52 кг) миёни бонувон ҷои сеюмро мушарраф гардиданд.
ҶОМИ ПРЕЗИДЕНТ
Мусобиқаи байналмилалии ҷудо барои дарёфти Ҷоми Президенти Тоҷикистон, ки рӯзҳои 4-5 октябри соли равон дар ноҳияи Данғара баргузор гардид, аксаран бо пирӯзии паҳлавонони Тоҷикистону Узбекистон ба поён расид. Дар ин мусобиқаи анъанавӣ, ки бори даҳум баргузор шуд, нахустин маротиба ба ғайр аз паҳлавонони тоҷик, варзишгарон аз Афғонистон, Қазоқистон, Муғулистон, Русия, Узбекистон ва Эрон иштирок карданд.
Маблағи ҷоизаи имсола ҳам назар ба солҳои қаблӣ зиёд буд ва ғолибону ҷоизадорон дар ҳар як вазн бо медалу ҷоизаҳои молӣ – ҷойи якум бо 27 500 сомонӣ, ҷойи дувум – 16 500 сомонӣ ва ҷойҳои севум бо 11 000 сомонӣ қадрдонӣ шуданд.
Ҷоми президент акнун мақоми байналмилалӣ дорад ва дар он варзишгарон аз чанд қораи олам метавонанд иштирок кунанд.
Зикр кардан бамаврид аст, ки Фармони Президенти Ҷумҳурии Тоҷикистон аз 9 январи соли 2015, №328 “Дар бораи Ҷоизаи Президенти Ҷумҳурии Тоҷикистон ба ғолибон ва ҷоизадорони мусобиқаҳои байналмилалии варзишӣ” яке аз иқдомҳои наҷиби Сарвари кишвар барои дастгирӣ ва ҳавасмандии варзишгарон мебошад.
Дар ин замина ҷиҳати татбиқи Фармони мазкур Низомномаи “Ҷоизаи Президенти Ҷумҳурии Тоҷикистон ба ғолибон ва ҷоизадорони мусобиқаҳои байналмилалии варзишӣ” таҳия гардида, бо Қарори Ҳукумати Ҷумҳурии Тоҷикистон аз 1 августи соли 2015, №493 тасдиқ гардидааст.
БА ҶОИ ХУЛОСА
Таблиғи тарзи ҳаёти солим, роҳандозии тадбирҳои мақсадноку пайваста баҳри машғул шудани нав-расону ҷавонон ба варзиши касбӣ ва муҳайё намудани шароитҳои созгори инфрасохторию ташкилӣ барои варзишгарон дар маркази таваҷҷуҳи сиёсати хирадмандона ва варзишпарваронаи Пешвои миллат, муҳтарам Эмомалӣ Раҳмон ҷойгоҳ ва манзалати мувофиқро касб намудааст.
Яҳё МАҲМАДНАБИЕВ, “ҶТ”
Соли 2024 дар ҳаёти варзишии кишвар як қатор рӯйдодҳо ба амал омаданд, ки муҳимтаринашон сазовор гардидани се варзишгари кишвар бо нишони Бозиҳои олимпӣ, баргузории аввалин Гран-Слам дар Душанбе, Чампионати гӯштини миллӣ (Гӯштингирӣ) ва аввалин Чемпионати ҷаҳони ҷудо байни ҷавонон дар кишвар мебошад.
Барои шароит муҳайё намудан ҷиҳати баргузории мусобиқаҳои байналмилалӣ дар пойтахт нақши Пешвои миллат муҳтарам Эмомалӣ Раҳмон аввалиндараҷа мебошад.
ДАСТГИРИИ ОЛИМПИЧИЁНИ-ПАРИЖ-2024
Рӯйдоди муҳиму таъсирбахш дар соли равон ин XXXIII Бозиҳои олимпии Париж-2024 буд, ки аз 26 июл то 11 август дар шаҳри Парижи Фаронса баргузор шуд. Ҳайати олимпии Тоҷикистон, ки аз 14 варзишгар иборат буд, сазовори се медали биринҷӣ гашт, ки дар таърихи варзиши кишвар беназир аст. Қаблан дар ягон Бозиҳои тобистонаи олимпӣ варзишгарони мо 3 медал нагирифта буданд. Медалҳоро Сомон Маҳмадбеков (-81 кг), Темур Раҳимов (+100 кг) дар ҷудо ва Давлат Болтаев (-92 кг) дар бокс сазовор гаштанд.
Пас аз бозгашт таърихсозони меҳанро санаи 14 август дар Қасри миллат Президенти Ҷумҳурии Тоҷикистон муҳтарам Эмомалӣ Раҳмон ба ҳузур пазируфтанд. Пешвои миллат ба ҳар як ҷоизадори Бозиҳои олимпии Париж-2024 мукофоти давлатӣ - ордени Шараф дараҷаи II, 200 ҳазор сомонӣ - Ҷоизаи Президенти Ҷумҳурии Тоҷикистон, хонаи истиқоматӣ ва мошини муосири барқӣ тақдим намуданд.
Сарвари давлат муҳтарам Эмомалӣ Раҳмон дастоварди онҳоро дар Бозиҳои тобистонаи олимпии Париж-2024 ба варзишгарон ва мардуми кишвар табрику таҳният гуфта, таъкид доштанд, ки нишондоди онҳо дар таърихи соҳаи варзиши тоҷик дастоварди бузург мебошад ва ин натиҷаи талошҳову тадбирҳои Ҳукумати Ҷумҳурии Тоҷикистон, Кумитаи миллии олимпӣ, федератсияҳои варзишӣ ва заҳмати содиқонаи худи паҳлавонон аст, ки аз як чорабинии бузурги ҷаҳонӣ бо натиҷаҳои арзанда ба Ватан баргаштанд.
Президенти кишвар муҳтарам Эмомалӣ Раҳмон иброз доштанд, ки дар байни 206 давлати дунё сазовори медал гардидан ва Парчами давлатиро боло бардоштан, ин шарафи бузург, омили муҳими муаррифии давлату миллат, баланд бардоштани обрӯву нуфузи кишвар дар арсаи ҷаҳонӣ ва ҳавасмандгардонии наврасону ҷавонони тоҷик ба варзиш ва тарзи ҳаёти солим мебошад.
БОЗИҲОИ ОСИЁ
Рӯйдоди муҳими дигари сол, ки варзишгарон шарафёб гардиданд, то аз дасти Сарвари варзишпарвари кишвар инъом гиранд, ин XIX Бозиҳои Осиё ба шумор меравад, ки аз 23 сентябр то 8 октябри соли 2023 дар шаҳри Ҳангжоуи Чин доир гашт. Ҳайати олимпии Тоҷикистон иборат аз 108 варзишгар, аз рӯи 18 намуди варзиш ба бозиҳо сафарбар гардида, 7 медал: 2 тилло, 1 нуқра ва 4 биринҷӣ ба даст оварданд. Медалҳои тиллоро Сомон Маҳмадбеков дар риштаи ҷудо (-81 кг) ва Давлат Болтаев дар бокс (-92 кг) ба даст оварданд. Ягона медали нуқраро паҳлавони маъруфи кишвар Темур Раҳимов дар ҷудо (+100 кг) сазовор гашт. Беҳрӯз Хоҷазода дар ҷудо (-73 кг), Миҷгона Самадова дар бокс (-57 кг), Хайрандеш Муродзода (-66 кг) ва Ҳақназар Назаров (-90 кг) дар кураш медали биринҷӣ гирифтанд.
Барандагони медали тилло бо Ҷоизаи Президенти Ҷумҳурии Тоҷикистон ба маблағи 150 ҳазор сомонӣ, барандагони медали нуқра ва биринҷӣ мутаносибан бо 100 ҳазор ва 50 ҳазор сомонӣ қадр шуданд. Ҳамчунин, аз ҷониби раиси шаҳри Душанбе муҳтарам Рустами Эмомалӣ ба ғолибону ҷоизадорон хонаҳои сеҳуҷрагӣ, дуҳуҷрагӣ ва якҳуҷрагӣ тақдим гардид.
ГӮШТИНГИРӢ
Рӯзҳои 30-31 август шаҳри Душанбе мизбони аввалин Чемпионати ҷаҳон оид ба гӯштингирӣ шуд, ки дар он 200 варзишгар аз 63 давлат ширкат дошт. Иштироки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маросими кушодашавӣ ба Чемпионат шукӯҳи дигар бахшид.
Дар Конгресси байналмилалӣ, ки дар доираи Чемпионат бо иштироки намояндагони 62 давлат доир гашт, Президенти ҷумҳурӣ муҳтарам Эмомалӣ Раҳмон Президенти фахрии Федератсияи байналмилалии гӯштингирӣ интихоб шуданд.
Ҳузури Пешвои миллат гӯё ба варзишгарон руҳияи рустамона бахшида бошад, ки дар аввалин Чемпионати ҷаҳонии гӯштини миллӣ – гӯштингирӣ 11 медал (5 тилло, 1 нуқра, 5 биринҷӣ) ба даст оварданд. Миёни мардон аз 6 вазн дар панҷтоаш паҳлавонони тоҷик пирӯз гаштанд: дар вазни -65 кг Муллораҷаб Халифаев, дар вазни -71 кг Масъуди Аҳмадзод, дар вазни -86 кг Ҳақназар Назаров, дар вазни -75 кг Кароматулло Ҳакимов ва дар вазни +95 кг Шакармамад Мирмамадов. Медали нуқраро Шоҳида Қаландарова дар вазни -70 кг миёни бонувон сазовор шуд. Шаҳбоз Саидаброров (-65 кг), Мирзоҷамил Рамазонов (-71 кг), Қоим Шукронов (-78 кг), Улуғбек Раҳимов (-95 кг) миёни мардҳо, Мадина Қурбонзода (-52 кг) миёни бонувон ҷои сеюмро мушарраф гардиданд.
ҶОМИ ПРЕЗИДЕНТ
Мусобиқаи байналмилалии ҷудо барои дарёфти Ҷоми Президенти Тоҷикистон, ки рӯзҳои 4-5 октябри соли равон дар ноҳияи Данғара баргузор гардид, аксаран бо пирӯзии паҳлавонони Тоҷикистону Узбекистон ба поён расид. Дар ин мусобиқаи анъанавӣ, ки бори даҳум баргузор шуд, нахустин маротиба ба ғайр аз паҳлавонони тоҷик, варзишгарон аз Афғонистон, Қазоқистон, Муғулистон, Русия, Узбекистон ва Эрон иштирок карданд.
Маблағи ҷоизаи имсола ҳам назар ба солҳои қаблӣ зиёд буд ва ғолибону ҷоизадорон дар ҳар як вазн бо медалу ҷоизаҳои молӣ – ҷойи якум бо 27 500 сомонӣ, ҷойи дувум – 16 500 сомонӣ ва ҷойҳои севум бо 11 000 сомонӣ қадрдонӣ шуданд.
Ҷоми президент акнун мақоми байналмилалӣ дорад ва дар он варзишгарон аз чанд қораи олам метавонанд иштирок кунанд.
Зикр кардан бамаврид аст, ки Фармони Президенти Ҷумҳурии Тоҷикистон аз 9 январи соли 2015, №328 “Дар бораи Ҷоизаи Президенти Ҷумҳурии Тоҷикистон ба ғолибон ва ҷоизадорони мусобиқаҳои байналмилалии варзишӣ” яке аз иқдомҳои наҷиби Сарвари кишвар барои дастгирӣ ва ҳавасмандии варзишгарон мебошад.
Дар ин замина ҷиҳати татбиқи Фармони мазкур Низомномаи “Ҷоизаи Президенти Ҷумҳурии Тоҷикистон ба ғолибон ва ҷоизадорони мусобиқаҳои байналмилалии варзишӣ” таҳия гардида, бо Қарори Ҳукумати Ҷумҳурии Тоҷикистон аз 1 августи соли 2015, №493 тасдиқ гардидааст.
БА ҶОИ ХУЛОСА
Таблиғи тарзи ҳаёти солим, роҳандозии тадбирҳои мақсадноку пайваста баҳри машғул шудани нав-расону ҷавонон ба варзиши касбӣ ва муҳайё намудани шароитҳои созгори инфрасохторию ташкилӣ барои варзишгарон дар маркази таваҷҷуҳи сиёсати хирадмандона ва варзишпарваронаи Пешвои миллат, муҳтарам Эмомалӣ Раҳмон ҷойгоҳ ва манзалати мувофиқро касб намудааст.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед