ҶОМЕА
Чоршанбе 10 Июн 2026 10:03
Дар асри гузашта онро замоне таъсис доданду ба нашраш оғоз карданд, ки ҷаридаҳо хеле кам буданд ва ба қавле рӯзномае набуд, ки сирф аз ҷавонон гӯяду ҳамрозу ҳамнафаси ин табақаи серталоши ҷомеа бошад. Бале, маҳз ҳамин чиз ба инобат гирифта шуд ва барои ҷавонону наврасони хуштолеи давр 5-уми апрели соли 1930 рӯзномаи ҷадиде бо номи “Комсомоли Тоҷикистон” (ҳоло “Ҷавонони Тоҷикистон”) таъсис ёфт.
Таъсиси рӯзномаи мазкур баҳри аҳли ҷомеа ва махсусан ҷавонон муждае буд, ки хушҳолашон гардониду дар роҳи огаҳ гардидан аз ҳаёти ҷавонони меҳан ва ба ин васила омӯхтани донишҳои наву тоза раҳнамое шуд. Инчунин он барояшон минбаре гардид, ки розу ниёзи хешро тавассути он баён мекарданду ба дигар ҳамсолонашон мерасониданд.
Чун вазифаи ҳар рӯзнома воқиф сохтани аҳли ҷомеа аз набзи рӯз асту баробари ин саҳим будан дар баланд бардоштани ҳисси худшиносию худогоҳии онҳост, рӯзномаи “Ҷавонони Тоҷикистон” низ тӯли ин ҳама муддате, ки пайи анҷоми содиқонаи рисолати хеш аст, тавонистааст, ки дар беҳтару баланд сохтани донишу ҷаҳонбинии аҳли ҷомеа саҳми муносиби худро гузорад.
“Ҷавонон...” аз зумраи он ҷаридаҳоест, ки дар таърихи анқариб якасраи хеш ҳамеша аз арзишу манфиатҳои миллӣ бо каломи созандаи хеш дифоъ кардаасту мекунад. Инро аз нашри нахустин ва то имрӯз дар ҳар сафҳааш мушоҳида кардан мумкин аст.
РӮЗНОМАЕ ФАРОТАР АЗ як МАКТАБ
Рӯзномаи “Ҷавонони Тоҷикистон”-ро барои он чунин унвон додаанд, ки дар тули 93 соли фаъолияти хеш тавонистааст, ки садҳо дилбохтаи роҳи нигорандагӣ ва эҷодро шавқу завқ бубахшад ва ба олами беохири эҷод раҳнамун созад.
Аз хотироти алоқамандону кормандони собиқу имрӯзаш ҳамин гуфта ҳамеша бо ифтихор таъкид мегардад, ки ““Ҷавонон...” моро ба нигорандагӣ роҳнамоӣ кард”-у ““Ҷавонон...” нахустнигоштаҳои моро дар сафҳаҳои мондагораш рӯйи чоп овард”.
Агар ба адабиёти меҳан назар намоем, мушоҳида мекунем, ки чандин адибони саршиноси кишвар, ки бо гирифтани исмашон кулвори эҷодашон ёдамон меоянду бо ифтихор аз доштани чунин адибон меболем, қадамҳои аввалини эҷодии хешро маҳз дар “Ҷавонон...” гузоштаанду аввалин маҳсули эҷодияшон дар ин рӯзнома рӯйи чоп омадаву пешкаши хонанда гардидааст.
Дар ин росто боифтихор метавон исми устодони соҳибном – Мирзо Турсунзода, Мирсаид Миршакар, Сотим Улуғзода, Лоиқ Шералӣ, Гулназар Келдӣ, Кароматулло Мирзоев ва чандин нафари дигарро гирифт, ки дар ибтидои ба адабиёт рӯй овардан, дар ин рӯзнома қаламфарсоӣ намудаанду аз ҳар матлаби нашргардидаи хеш неруву илҳоми тоза гирифта, ба офаридани асарҳои назмию насрии мондагоре даст ба кор шудаанд.
Ҳамин аст, ки нақши рӯзномаро дар рушди адабиёти тоҷик хубу назаррас меҳисобанд ва ин рисолати хешро имрӯз низ сарбаландона иҷро намуда истодааст.
Дар баробари ин, журналистоне, ки имрӯз дар олами журналистикаи тоҷик улгӯ ҳастанд, бештари онҳо мактабдидаи рӯзномаи “Ҷавонон...” мебошанд ва ин ҷараён имрӯз низ идома дорад.
ИМРӮЗИ “ҶАВОНОН...”
“Ҷавонони Тоҷикистон” имрӯз низ чун ҳамешагӣ пайи иҷрои рисолати хеш асту ҳамқадами замон аст. Имрӯз ки ҷаҳон дар иҳотаи техникаву технология аст, рӯзнома низ талош намуда истодааст, то бо истифода аз имкониятҳои қарни XXI фаъолияти худро боз ҳам равнақ бахшаду дар қолабҳои наву тоза баҳри ҳаводорони хеш маводу матолибҳои хубу ҷолиб омодаву пешниҳод созад.
Чун аудиторияи имрӯза мехоҳад, ки ҳам хонаду ҳам шунаваду ва ҳам бубинад, рӯзнома имрӯз дар қолабҳои чандрасонаӣ фаъолияти худро ба роҳ мондааст.
Рӯзнома имрӯз баробари сомонаи расмии хеш, ҳамзамон дар шабакаҳои интернетии YouTube, Facebook, Telegram ва Instagram дорои саҳифаҳои расмӣ асту ба таври мудовим баҳри алоқамандони худ матлабу наворҳои хонданиву диданӣ омодаву пешкаш менамояд.
Аз ҷумла, дар YouTube – канали худ рӯзнома барномаҳои гуногуни таҳлилию фарҳангӣ, филмҳои мустанаду тарбиявӣ, роликҳои фарҳангию маърифатӣ ва гузоришҳои гуногунмавзуъро омодаву пешкаши бинандаи хушзавқи хеш сохтааст, ки аз дастовардҳои имрӯзи он аст. Саҳифаи рӯзномаро имрӯз дар Facebook беш аз 10 ҳазор корбар ба таври ҳамешагӣ пайгирӣ мекунаду хонандаи мудовими матлабҳои ҷарида дар ин шабакаи интернетист.
ИҚДОМҲОИ МОНДАГОРУ ТАЪРИХӢ
Рӯзнома чун аз ибтидои фаъолият муҳофизу таҳкимбахши арзишҳои миллист, имрӯз низ дар замони бархӯрди тамаддунҳо доим кӯшиш мекунад, ки аз манфиатҳои миллӣ дифоъ намояд. Имрӯз рӯзнома пайваста аз санаҳои муҳимми таърихӣ ва рӯйдодҳои мондагор пайгирӣ менамояду иқдомҳои шоёнеро рӯйи даст мегирад.
Тӯли чанд соли охир ташаббусҳои мондагореро рӯйи даст гирифтани рӯзнома дар самти муаррифию умқан омӯхтани санаҳои муҳимми таърихӣ далели гуфтаҳои болост.
Соли 2021, ки шаҳри Душанбе пойтахти фарҳангии ИДМ эътироф гардид, рӯзнома озмуни ҷумҳуриявиеро таҳти унвони “Душанбе – ганҷе дар қалби Осиё” эълон намуд, ки он то охири соли 2021 ҷараён гирифт. Дар озмун нафарони касбу кори гуногун иштирок намуда, вобаста ба таъриху рушд ва навгониҳои Душанбешаҳр мақолаҳо иншо намуданд. Мақолаҳои мазкур баробари чоп дар рӯзнома, ҳамзамон дар шакли маҷмуаи алоҳида нашру пешкаши дӯстдорони пойтахти азиз гардонида шуд.
Соли 2022, ки аз баргузории Иҷлосияи XVI Шурои Олӣ 30 сол пур гардид, роҳбарияти рӯзнома иқдоми наҷиберо рӯйи даст гирифт ва баҳри сазовор истиқбол намудан аз он ва ҳамзамон ёдовар шудан аз нақши ин воқеаи муҳимми таърихӣ дар раванди давлатдории миллӣ озмуни сартосариро дар кишвар роҳандозӣ намуд.
Дар раванди ин озмун ба идораи рӯзнома мақолаҳое ворид гардиданд, ки паҳлуҳои гуногуни иҷлосияи мазкурро бозгӯ намуданд. Озмуни мазкур дар сатҳи баланд ҷамъбаст гардида, беҳтарин нигоштаҳои вобаста ба 30-солагии Иҷлосия дар шакли китоби алоҳида бо номи “Иҷлосияи XVI Шурои Олӣ ва эҳёи худшиносии миллӣ” нашр гардид.
Яке аз иқдомҳои дигаре, ки тайи солҳои охир рӯзнома рӯйи даст гирифту он дар таърихи матбуоти тоҷик беназир унвон мешавад, ин нашри шумораҳои махсуси рӯзнома мебошад. Аз ҷумла, аҳли эҷоди рӯзнома соли 2020 бахшида ба 90-солагии фаъолияти он нашри махсуси идонаи худро рамзӣ дар ҳаҷми 90 саҳифа аз чоп баровард, ки фарогири 90 соли фаъ-олияти мондагори “Ҷавонони Тоҷикистон” аст.
Инчунин бахшида ба 30-солагии Истиқлоли давлатӣ шумораи рамзии 30 саҳифагии рӯзнома нашр гардид, ки инъикоскунандаи иқдомҳои созандаву рушди кишвар дар 30 соли соҳибистиқлолии меҳан мебошад. Ҳамзамон соли 2022 бахшида ба Рӯзи забон ва 70 - солагии Пешвои миллат шумораи махсуси худро дар ҳаҷми 70 саҳифа аз чоп баровард.
АЗ ИН ҶО ДИЛ ДИГАР КАНДАН НАТОНАМ...
“Ҷавонони Тоҷикистон”, ки дар остонаи 93-солагӣ қарор дорад, то имрӯз дар он садҳо нафар фаъолият намудаву ба воситаи нигоштаҳои хеш саҳми худ-ро дар рушди донишу маърифатнокии аҳли ҷомеа гузоштаанд ва ҳайати эҷодии имрӯза низ дар пайи иҷрои ин рисолатанд.
Ҳар нафаре, ки дар ин боргоҳ фаъолият намудаасту менамояд, онро унвонҳои гуногун медиҳаду оилаи бузург маънидодаш менамоянд. Дар зимн аз якчанд нафар кормандони имрӯзи рӯзнома андешаҳояшонро дар остонаи 93-солагӣ пурсон гардидем.
Шаҳло Эшонова, муҳаррири шуъбаи иқтисод ва иҷтимоъ:
-“Ҷавонони Тоҷикистон” - рӯзномаи писандидаам аз замони ҷавонӣ то имрӯз. “Ҷавонони Тоҷикистон” - хонаи умеду орзуҳои наслҳои гузаштаву имрӯз. “Ҷавонони Тоҷикистон” – баҳаморандаи ҳайати эҷодие дар як тими воҳиду муттаҳиде, ки фидоии касби пуршарафи хешанду тарғибгари гуфтаҳои Сарвари давлат муҳтарам Эмомалӣ Раҳмон ва сиёсати пешгирифтаи давлату Ҳукумати ҷумҳурӣ дар бобати тарбияи насли ҷавон. “Ҷавонони Тоҷикистон” - ягона нашрияе, ки матолибаш фарогир аст рӯзгори ҷавонони кишварро, дастоварду мушкилоти онҳоро. “Ҷавонони Тоҷикистон” - минбари ҷавонони озодандеш, созандагони имрӯзу фардои Тоҷикистони соҳибистиқлол. “Ҷавонони Тоҷикистон" – рӯзномаест, сафҳааш марзи номусу имон, маромаш иттиҳоди насли боҳушу ҷавон, ҳадафаш ҳифзи дастовардҳои Тоҷикистони гулбадомон, шиораш “Бо мо ҳамеша ҷавон бимон!”.
Хуршед Ховарӣ, ҷонишини сардабир:
-Пӯшида нест, ки имрӯз бетаваҷҷуҳии ҷомеа ба маводи чопӣ аз ҳолатҳоест, ки поин рафтани қурбияти ҷаридаҳоро бозгӯ мекунад.
Аммо ин мушкил аз ҳайати эҷодӣ ва умуман низоми кории рӯзнома вобаста нест. “Ҷавонони Тоҷикистон” дар аввалин солҳое, ки таваҷҷуҳи ҷомеа ба интернету навовариҳои техникӣ ҷалб мегардид, сомонаи расмии худро фаъол кард ва ҳамин гуна бо пайдо шудани майлонҳои нав дар журналистикаи муосир ин рӯзнома талоши пойбарҷоӣ ва устуворӣ мекунад.
Нуруллоҳи Ориф, масъули бахши назм:
-“Ҷавонони Тоҷикистон” яке аз рӯзномаҳои писанди дилам мебошад. Тӯли чандин соле, ки дар оғӯшаш фаъолияти корӣ дорам, месазад гуфт, ки он илҳомпарвар асту ба эҷодкорон пару бол мебахшад. Ин гуфта дар таърихи 93 - солааш борҳо исботи худ-ро ёфтааст. Бошад, ки доим чунин бошаду маънибахшу маърифатбахши пиру ҷавон.
Маро ин ҷо шамоли шеър овард
Зи роҳе, ки ба дида дур метофт.
Набуд ин ҷо хаёли монданам чанд,
Қадам мондан ба ин ҷо зӯр метофт.
Дараш бикшода сӯям, пой мондам
Ба саҳнаш, иддае дидам ҷавонанд.
Нишаста ҳар яке андар сари миз,
Ҷавонанду бағоят кордонанд.
Писанд омад барои ман ҳам ин ҷо,
Чу кафтар зери бомаш лона кардам.
Қатори дӯстон шиштам ба курсӣ,
Сари зулфи суханро шона кардам.
Аз ин ҷо дил дигар кандан натонам,
Ман ин ҷо то ба пирӣ боядам монд.
Ба роҳи рост, роҳи худшиносӣ
Қадам ҳамчун ҷавонон боядам ронд.
ОХИРСУХАН
“Ҷавонони Тоҷикистон” рӯзномаест, ки бо таърихи 93-солааш ҳамеша тарғибгари дастовардҳои кишвар асту таҳкимбахшу муҳофизи манфиатҳои миллӣ. Дар баробари ин бо нигоштаҳои хеш тарбиятгари насли ҷавон асту пайваста онҳоро ба роҳи рост раҳнамун месозад.
93-солагии рӯзномаи “Ҷавонони Тоҷикистон” ба кулли дӯстдоронаш фархунда бод!
Таъсиси рӯзномаи мазкур баҳри аҳли ҷомеа ва махсусан ҷавонон муждае буд, ки хушҳолашон гардониду дар роҳи огаҳ гардидан аз ҳаёти ҷавонони меҳан ва ба ин васила омӯхтани донишҳои наву тоза раҳнамое шуд. Инчунин он барояшон минбаре гардид, ки розу ниёзи хешро тавассути он баён мекарданду ба дигар ҳамсолонашон мерасониданд.
Чун вазифаи ҳар рӯзнома воқиф сохтани аҳли ҷомеа аз набзи рӯз асту баробари ин саҳим будан дар баланд бардоштани ҳисси худшиносию худогоҳии онҳост, рӯзномаи “Ҷавонони Тоҷикистон” низ тӯли ин ҳама муддате, ки пайи анҷоми содиқонаи рисолати хеш аст, тавонистааст, ки дар беҳтару баланд сохтани донишу ҷаҳонбинии аҳли ҷомеа саҳми муносиби худро гузорад.
“Ҷавонон...” аз зумраи он ҷаридаҳоест, ки дар таърихи анқариб якасраи хеш ҳамеша аз арзишу манфиатҳои миллӣ бо каломи созандаи хеш дифоъ кардаасту мекунад. Инро аз нашри нахустин ва то имрӯз дар ҳар сафҳааш мушоҳида кардан мумкин аст.
РӮЗНОМАЕ ФАРОТАР АЗ як МАКТАБ
Рӯзномаи “Ҷавонони Тоҷикистон”-ро барои он чунин унвон додаанд, ки дар тули 93 соли фаъолияти хеш тавонистааст, ки садҳо дилбохтаи роҳи нигорандагӣ ва эҷодро шавқу завқ бубахшад ва ба олами беохири эҷод раҳнамун созад.
Аз хотироти алоқамандону кормандони собиқу имрӯзаш ҳамин гуфта ҳамеша бо ифтихор таъкид мегардад, ки ““Ҷавонон...” моро ба нигорандагӣ роҳнамоӣ кард”-у ““Ҷавонон...” нахустнигоштаҳои моро дар сафҳаҳои мондагораш рӯйи чоп овард”.
Агар ба адабиёти меҳан назар намоем, мушоҳида мекунем, ки чандин адибони саршиноси кишвар, ки бо гирифтани исмашон кулвори эҷодашон ёдамон меоянду бо ифтихор аз доштани чунин адибон меболем, қадамҳои аввалини эҷодии хешро маҳз дар “Ҷавонон...” гузоштаанду аввалин маҳсули эҷодияшон дар ин рӯзнома рӯйи чоп омадаву пешкаши хонанда гардидааст.
Дар ин росто боифтихор метавон исми устодони соҳибном – Мирзо Турсунзода, Мирсаид Миршакар, Сотим Улуғзода, Лоиқ Шералӣ, Гулназар Келдӣ, Кароматулло Мирзоев ва чандин нафари дигарро гирифт, ки дар ибтидои ба адабиёт рӯй овардан, дар ин рӯзнома қаламфарсоӣ намудаанду аз ҳар матлаби нашргардидаи хеш неруву илҳоми тоза гирифта, ба офаридани асарҳои назмию насрии мондагоре даст ба кор шудаанд.
Ҳамин аст, ки нақши рӯзномаро дар рушди адабиёти тоҷик хубу назаррас меҳисобанд ва ин рисолати хешро имрӯз низ сарбаландона иҷро намуда истодааст.
Дар баробари ин, журналистоне, ки имрӯз дар олами журналистикаи тоҷик улгӯ ҳастанд, бештари онҳо мактабдидаи рӯзномаи “Ҷавонон...” мебошанд ва ин ҷараён имрӯз низ идома дорад.
ИМРӮЗИ “ҶАВОНОН...”
“Ҷавонони Тоҷикистон” имрӯз низ чун ҳамешагӣ пайи иҷрои рисолати хеш асту ҳамқадами замон аст. Имрӯз ки ҷаҳон дар иҳотаи техникаву технология аст, рӯзнома низ талош намуда истодааст, то бо истифода аз имкониятҳои қарни XXI фаъолияти худро боз ҳам равнақ бахшаду дар қолабҳои наву тоза баҳри ҳаводорони хеш маводу матолибҳои хубу ҷолиб омодаву пешниҳод созад.
Чун аудиторияи имрӯза мехоҳад, ки ҳам хонаду ҳам шунаваду ва ҳам бубинад, рӯзнома имрӯз дар қолабҳои чандрасонаӣ фаъолияти худро ба роҳ мондааст.
Рӯзнома имрӯз баробари сомонаи расмии хеш, ҳамзамон дар шабакаҳои интернетии YouTube, Facebook, Telegram ва Instagram дорои саҳифаҳои расмӣ асту ба таври мудовим баҳри алоқамандони худ матлабу наворҳои хонданиву диданӣ омодаву пешкаш менамояд.
Аз ҷумла, дар YouTube – канали худ рӯзнома барномаҳои гуногуни таҳлилию фарҳангӣ, филмҳои мустанаду тарбиявӣ, роликҳои фарҳангию маърифатӣ ва гузоришҳои гуногунмавзуъро омодаву пешкаши бинандаи хушзавқи хеш сохтааст, ки аз дастовардҳои имрӯзи он аст. Саҳифаи рӯзномаро имрӯз дар Facebook беш аз 10 ҳазор корбар ба таври ҳамешагӣ пайгирӣ мекунаду хонандаи мудовими матлабҳои ҷарида дар ин шабакаи интернетист.
ИҚДОМҲОИ МОНДАГОРУ ТАЪРИХӢ
Рӯзнома чун аз ибтидои фаъолият муҳофизу таҳкимбахши арзишҳои миллист, имрӯз низ дар замони бархӯрди тамаддунҳо доим кӯшиш мекунад, ки аз манфиатҳои миллӣ дифоъ намояд. Имрӯз рӯзнома пайваста аз санаҳои муҳимми таърихӣ ва рӯйдодҳои мондагор пайгирӣ менамояду иқдомҳои шоёнеро рӯйи даст мегирад.
Тӯли чанд соли охир ташаббусҳои мондагореро рӯйи даст гирифтани рӯзнома дар самти муаррифию умқан омӯхтани санаҳои муҳимми таърихӣ далели гуфтаҳои болост.
Соли 2021, ки шаҳри Душанбе пойтахти фарҳангии ИДМ эътироф гардид, рӯзнома озмуни ҷумҳуриявиеро таҳти унвони “Душанбе – ганҷе дар қалби Осиё” эълон намуд, ки он то охири соли 2021 ҷараён гирифт. Дар озмун нафарони касбу кори гуногун иштирок намуда, вобаста ба таъриху рушд ва навгониҳои Душанбешаҳр мақолаҳо иншо намуданд. Мақолаҳои мазкур баробари чоп дар рӯзнома, ҳамзамон дар шакли маҷмуаи алоҳида нашру пешкаши дӯстдорони пойтахти азиз гардонида шуд.
Соли 2022, ки аз баргузории Иҷлосияи XVI Шурои Олӣ 30 сол пур гардид, роҳбарияти рӯзнома иқдоми наҷиберо рӯйи даст гирифт ва баҳри сазовор истиқбол намудан аз он ва ҳамзамон ёдовар шудан аз нақши ин воқеаи муҳимми таърихӣ дар раванди давлатдории миллӣ озмуни сартосариро дар кишвар роҳандозӣ намуд.
Дар раванди ин озмун ба идораи рӯзнома мақолаҳое ворид гардиданд, ки паҳлуҳои гуногуни иҷлосияи мазкурро бозгӯ намуданд. Озмуни мазкур дар сатҳи баланд ҷамъбаст гардида, беҳтарин нигоштаҳои вобаста ба 30-солагии Иҷлосия дар шакли китоби алоҳида бо номи “Иҷлосияи XVI Шурои Олӣ ва эҳёи худшиносии миллӣ” нашр гардид.
Яке аз иқдомҳои дигаре, ки тайи солҳои охир рӯзнома рӯйи даст гирифту он дар таърихи матбуоти тоҷик беназир унвон мешавад, ин нашри шумораҳои махсуси рӯзнома мебошад. Аз ҷумла, аҳли эҷоди рӯзнома соли 2020 бахшида ба 90-солагии фаъолияти он нашри махсуси идонаи худро рамзӣ дар ҳаҷми 90 саҳифа аз чоп баровард, ки фарогири 90 соли фаъ-олияти мондагори “Ҷавонони Тоҷикистон” аст.
Инчунин бахшида ба 30-солагии Истиқлоли давлатӣ шумораи рамзии 30 саҳифагии рӯзнома нашр гардид, ки инъикоскунандаи иқдомҳои созандаву рушди кишвар дар 30 соли соҳибистиқлолии меҳан мебошад. Ҳамзамон соли 2022 бахшида ба Рӯзи забон ва 70 - солагии Пешвои миллат шумораи махсуси худро дар ҳаҷми 70 саҳифа аз чоп баровард.
АЗ ИН ҶО ДИЛ ДИГАР КАНДАН НАТОНАМ...
“Ҷавонони Тоҷикистон”, ки дар остонаи 93-солагӣ қарор дорад, то имрӯз дар он садҳо нафар фаъолият намудаву ба воситаи нигоштаҳои хеш саҳми худ-ро дар рушди донишу маърифатнокии аҳли ҷомеа гузоштаанд ва ҳайати эҷодии имрӯза низ дар пайи иҷрои ин рисолатанд.
Ҳар нафаре, ки дар ин боргоҳ фаъолият намудаасту менамояд, онро унвонҳои гуногун медиҳаду оилаи бузург маънидодаш менамоянд. Дар зимн аз якчанд нафар кормандони имрӯзи рӯзнома андешаҳояшонро дар остонаи 93-солагӣ пурсон гардидем.
Шаҳло Эшонова, муҳаррири шуъбаи иқтисод ва иҷтимоъ:
-“Ҷавонони Тоҷикистон” - рӯзномаи писандидаам аз замони ҷавонӣ то имрӯз. “Ҷавонони Тоҷикистон” - хонаи умеду орзуҳои наслҳои гузаштаву имрӯз. “Ҷавонони Тоҷикистон” – баҳаморандаи ҳайати эҷодие дар як тими воҳиду муттаҳиде, ки фидоии касби пуршарафи хешанду тарғибгари гуфтаҳои Сарвари давлат муҳтарам Эмомалӣ Раҳмон ва сиёсати пешгирифтаи давлату Ҳукумати ҷумҳурӣ дар бобати тарбияи насли ҷавон. “Ҷавонони Тоҷикистон” - ягона нашрияе, ки матолибаш фарогир аст рӯзгори ҷавонони кишварро, дастоварду мушкилоти онҳоро. “Ҷавонони Тоҷикистон” - минбари ҷавонони озодандеш, созандагони имрӯзу фардои Тоҷикистони соҳибистиқлол. “Ҷавонони Тоҷикистон" – рӯзномаест, сафҳааш марзи номусу имон, маромаш иттиҳоди насли боҳушу ҷавон, ҳадафаш ҳифзи дастовардҳои Тоҷикистони гулбадомон, шиораш “Бо мо ҳамеша ҷавон бимон!”.
Хуршед Ховарӣ, ҷонишини сардабир:
-Пӯшида нест, ки имрӯз бетаваҷҷуҳии ҷомеа ба маводи чопӣ аз ҳолатҳоест, ки поин рафтани қурбияти ҷаридаҳоро бозгӯ мекунад.
Аммо ин мушкил аз ҳайати эҷодӣ ва умуман низоми кории рӯзнома вобаста нест. “Ҷавонони Тоҷикистон” дар аввалин солҳое, ки таваҷҷуҳи ҷомеа ба интернету навовариҳои техникӣ ҷалб мегардид, сомонаи расмии худро фаъол кард ва ҳамин гуна бо пайдо шудани майлонҳои нав дар журналистикаи муосир ин рӯзнома талоши пойбарҷоӣ ва устуворӣ мекунад.
Нуруллоҳи Ориф, масъули бахши назм:
-“Ҷавонони Тоҷикистон” яке аз рӯзномаҳои писанди дилам мебошад. Тӯли чандин соле, ки дар оғӯшаш фаъолияти корӣ дорам, месазад гуфт, ки он илҳомпарвар асту ба эҷодкорон пару бол мебахшад. Ин гуфта дар таърихи 93 - солааш борҳо исботи худ-ро ёфтааст. Бошад, ки доим чунин бошаду маънибахшу маърифатбахши пиру ҷавон.
Маро ин ҷо шамоли шеър овард
Зи роҳе, ки ба дида дур метофт.
Набуд ин ҷо хаёли монданам чанд,
Қадам мондан ба ин ҷо зӯр метофт.
Дараш бикшода сӯям, пой мондам
Ба саҳнаш, иддае дидам ҷавонанд.
Нишаста ҳар яке андар сари миз,
Ҷавонанду бағоят кордонанд.
Писанд омад барои ман ҳам ин ҷо,
Чу кафтар зери бомаш лона кардам.
Қатори дӯстон шиштам ба курсӣ,
Сари зулфи суханро шона кардам.
Аз ин ҷо дил дигар кандан натонам,
Ман ин ҷо то ба пирӣ боядам монд.
Ба роҳи рост, роҳи худшиносӣ
Қадам ҳамчун ҷавонон боядам ронд.
ОХИРСУХАН
“Ҷавонони Тоҷикистон” рӯзномаест, ки бо таърихи 93-солааш ҳамеша тарғибгари дастовардҳои кишвар асту таҳкимбахшу муҳофизи манфиатҳои миллӣ. Дар баробари ин бо нигоштаҳои хеш тарбиятгари насли ҷавон асту пайваста онҳоро ба роҳи рост раҳнамун месозад.
93-солагии рӯзномаи “Ҷавонони Тоҷикистон” ба кулли дӯстдоронаш фархунда бод!
Хабарҳои дигар
Рӯзнома
Эзоҳи худро нависед