245 МУРОҶИАТИ ШАҲРВАНДОН ОИД БА НОМГУЗОРИИ ФАРЗАНД ДАР НИМ СОЛ

Ба Кумитаи забон ва истилоҳоти назди Ҳукумати Ҷумҳурии Тоҷикистон дар нимсолаи якуми соли равон 245 муроҷиати шаҳрвандон оид ба номгузории фарзанд дар асоси хулосаи Комиссияи номгузории номҳои миллӣ ворид гаштааст, ки нисбат ба нимсолаи аввали соли гузашта 37% камтар мебошад.

Дар ин бора Сахидод Раҳматуллозода, раиси Кумитаи мазкур зимни нишасти матбуотӣ иттилоъ дод.

- Сабаби кам гардидани муроҷиати шаҳрвандон вобаста ба ин масъала қабул гардидани Қарори Ҳукумати Ҷумҳурии Тоҷикистон “Дар бораи Феҳристи номҳои миллии тоҷикӣ” мебошад, - гуфт ӯ.

У. ҚУТБИДДИНЗОДА, “ҶТ”