Ҷиҳати иҷрои Қарори Ҳукумати Ҷумҳурии Тоҷикистон аз 28 марти соли 2023, таҳти рақами 142 “Дар бораи тадбирҳои солимгардонии вазъи иқтисодию молиявии низоми беҳдошти замин, обёрӣ ва энергетикии ҶумҳурииТоҷикистон” оид ба гузаштан ба пардохти ғайринақдӣ дар ҷумҳурӣ 330 ҳазор гектар ё худ 61 фоизи заминҳо ба системаи билингӣ ворид карда шудаанд.

Дар ин бора Зафарбек Давлатзода, директори Агентии беҳдошти замин ва обёрии назди Ҳукумати Ҷумҳурии Тоҷикистон 30-юми январ зимни нишасти матбуотии ин ниҳод иттилоъ дод.

Номбурда ҳамчунин қайд кард, ки 86 ҳазору 700 адад истифодабарандагон, (89 фоиз) бо ID код таъмин гардида, пардохти ҳаққи хизмати обрасонӣ тариқи системаи билингӣ 41 млн. 900 ҳазор сомониро ташкил дод.

Зафарбек Давлатзода дар идома ҳамунин доир ба қарзи идораҳои зертобеи агентӣ аз ҶСК "Барқи тоҷик" дар соли сипаришуда ёдрас шуда гуфт: - Қарзи идораҳои зертобеи агентӣ дар соли 2024 аз истифодаи неруи барқ дар назди ҶСК "Барқи тоҷик" 183,5 млн. сомониро ташкил дод.

Ҳошим РАҲМАТУЛЛОЕВ, “ҶТ”