Дирӯз - 14 ноябр аз ҷониби масъулини Бахши кор бо ҷавонон ва варзиши ноҳияи Исмоили Сомонӣ дар шаҳри Душанбе бахшида ба Рӯзи Президенти Ҷумҳурии Тоҷикистон аксияи идона бо тақсими нишони сарисинагӣ бо акси Пешвои миллат доир карда шуд.

Дар ин хусус гурӯҳи фейсбукии Бахши кор бо ҷавонон ва варзиши ноҳияи Исмоили Сомонӣ хабар медиҳад.

Ба иттилои манбаъ чорабинии мазкур дар доираи нақша- чорабиниҳои Мақомоти иҷроияи ҳокимияти давлатии ноҳияи Исмоили Сомонӣ ва Раёсати кор бо ҷавонон ва варзиши шаҳри Душанбе роҳандозӣ гардида, дар доираи он ба зиёда аз 100 нафар сокинон ва кормандони ташкилоту идораҳои ҳудуди ноҳияи Исмоили Сомонии пойтахт нишони сарисинагӣ тақдим гардидааст.

Аксияи мазкур зери шиори “Садоқат ба Президент, садоқат ба Ватан аст!” ҷараён гирифта, аз ҷониби сокинон баҳои баланд гирифт.

Гулафшон КАРИМОВА, “ҶТ”