Имрӯз дар Маркази исломии Ҷумҳурии Тоҷикистон ҷаласаи навбатии Шурои уламо бо иштироки раиси Шурои уламо Саидмукаррам Абдуқодирзода ва дигар аъзоёни он баргузор гардид, ки дар он асосан масъалаи муайян намудани рӯзи баргузории Иди Қурбон ва вақти намози Ид матраҳ шуд.

Дар ин бора аз Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон хабар доданд.

Бино ба иттилои манбаъ, зимни ҷаласа Шурои уламо қарор қабул намуд, ки тибқи ҳисобҳои илмӣ Иди Қурбон рӯзи 16 - уми июн таҷлил мешавад. Намози ид дар масҷидҳои кишвар соати 6-00 баргузор мегардад.