Донишгоҳи давлатии тиҷорати Тоҷикистон аз рӯи 36 ихтисоси барномаи бакалавриат, 10 ихтисоси барномаи магистратура, 13 ихтисоси барномаи доктор PhD ва 7 ихтисоси барномаи таҳсилоти олии дуюми касбӣ мутахассисонро барои бозори меҳнати ватанӣ ва хориҷӣ тайёр мекунад.

Дар ин хусус имрӯз - 30 январ Хайрулло Назарзода, ректори Донишгоҳ зимни нишасти матбуотӣ иттилоъ дод.

Тавре ректори Донишгоҳ иброз дошт, дар соли 2024 5 филиали кафедраҳои тахассусии Донишгоҳ дар назди муассиса ва ташкилоту корхонаҳо кушода шуд.

Ҳамчунин, гуфта шуд, ки яке аз омилҳои муҳимми баланд бардоштани сифати таҳсилот ин омӯзиши таҷрибаи кишварҳои пешрафта ва ҷалби ҳайати омӯзгорони соҳибтаҷрибаи сатҳи ҷаҳонӣ барои гузаронидани машғулиятҳо, семинару мизҳои мудаввар дар таҳсилоти олии ҷумҳурӣ мебошад. Дар ин раванд як қатор созишномаҳои ҳамкорӣ бо муассисаҳои таҳсилоти олии касбии хориҷ таҳия ва барои ба имзо расонидан пешниҳод шудаанд. Дар маҷмуъ Донишгоҳ тақрибан 9 шартномаи ҳамкориро бо МТОК-и хориҷи кишвар ба имзо расонидааст.

Шаҳло ЭШОНОВА, "ҶТ"