ҶОМЕА
Панҷшанбе 14 Май 2026 01:45
Ё чаро фаъолияти сомонаҳои расмии баъзе ноҳияҳо хуб нест?
Бо рушди техникаву технология дар низоми фаъолияти журналистӣ, хусусан дар системаи расонидани иттилоъ ба ҷомеа марҳила ба марҳила навгонӣ ва имкониятҳои муосир ба вуҷуд омад, ки дар фаъолияти хоҷагии мардум аз онҳо васеъ истифода мешавад. Татбиқи консепсияи “ҳукумати электронӣ” дар фаъолияти иттилоотии мақомоти иҷроияи ҳокимияти давлатӣ ва мақомоти худидоракунии шаҳраку деҳот яке аз талаботҳои асосии замон маҳсуб ёфта, ҷиҳати пур намудани фазои иттилоотӣ бо ахбори сареъ ва саҳеҳ нақши калон мебозад. Дар баробари рушду пешрафти технологӣ ва таҳия шудани қонуну консепсияҳо, шаҳру ноҳияҳое ҳам вуҷуд доранд, ки бемасъулиятӣ зоҳир намуда, фаъолияти пурсамар нишон намедиҳанд. Яке аз чунин сомонаҳо торнигори интернетии ноҳияи Панҷ мебошад, ки ба талабот умуман ҷавобгӯ нест.
НИГОҲЕ БА КОНСЕПСИЯИ “ҲУКУМАТИ ЭЛЕКТРОНӢ”
Технология дар ташаккул аст. Бешак, он дар фаъолияти иттилоърасонӣ ва рушди он таъсири худро мегузорад. Имрӯз дар баробари телевизиону радио ва матбуоти даврӣ, инчунин сомонаҳои интернетӣ ва шабакаҳои иҷтимоӣ ба воситаҳои расонидани иттилоот мубаддал гаштаанд. Бо рушди интернет ва падид омадани расонаҳои иттилоотӣ рисолати намояндагони васоити ахбори омма зиёд шуда, сареҳияти он пурзӯр гардидааст.
Сомонаҳои расмии мақомоти давлатӣ дар самти расонидани иттилоот ва манбаи он оид ба фаъолияти мақомоти иҷроияи ҳокимияти давлатӣ ва мақомоти худидоракунии шаҳрак ва деҳот нақши асосиро мебозанд. Барои низоми фаъолият ва пурзӯр намудани ҷанбаи иттилоотӣ дар фаъолияти мақомоти давлатӣ бо Қарори Ҳукумати Ҷумҳурии Тоҷикистон аз 30 декабри соли 2011, №643 “Консепсияи ташаккули ҳукумати электронӣ дар Ҷумҳурии Тоҷикистон” тасдиқ гардидааст. Мақсади асосии консепсия баланд бардоштани самаранокии фаъолияти мақомоти иҷроияи ҳокимияти давлатӣ ва идоракунӣ бо истифодаи васеи технологияҳои иттилоотию коммуникатсионӣ, баланд бардоштани сатҳи сифат ва дастрас будани хизматҳои иҷтимоие, ки ба шаҳрвандон ва ташкилотҳо расонида мешаванд, сода гардонидани қоидаҳо ва кам кардани муҳлатҳои расонидани хизматҳои иҷтимоӣ, инчунин коҳиш додани хароҷоти маъмурӣ, ки ба расонидани ин хизматҳо вобастагӣ доранд, баланд бардоштани сатҳи дастрасӣ ба иттилоот дар бораи фаъолияти мақомоти иҷроияи ҳокимияти давлатӣ, ташаккули системаи ягонаи табодули иттилоотӣ бо истифода аз захираҳои иттилоотии электронӣ ва пайвастшавии доимӣ ба система ва шабакаҳои маҳдуди баҳисобгирии алоқаи ҳамаи истифодабарандагон ва ҳавасмандкунии иқтисодии истифода аз интернет ва технологияҳои муосири технологӣ мебошад.
Ҳамчунин, татбиқи амалии Консепсияи “ҳукумати электронӣ” имконият фароҳам меорад, ки шаффофияти фаъолияти мақомоти иҷроияи маҳаллӣ боло равад ва ҳамчун манбаи муътамади нашри ахбор дар расонаҳои хабарӣ истифода шаванд.
Дар ин баробар, барои беҳтар намудани фаъолият, ба низом даровардани сис-темаи корӣ ва баланд бардоштани масъу-лияти кормандони иттилоотии мақомоти ҳокимияти давлатӣ ва мақомоти худидоракунии шаҳраку деҳот аз 10 июли соли 2017, №344 Қарори Ҳукумати Ҷумҳурии Тоҷикистон “Дар бораи Қоидаҳои ягона барои сомонаҳои расмии ташкилоту муассисаҳо, мақомоти иҷроияи маҳаллии ҳокимияти давлатӣ ва мақомоти худидоракунии шаҳрак ва деҳот дар шабакаҳои интернет” таҳия гардидааст, ки дар асоси он фаъолияти сомонаҳои расмии мақомоти иҷроияи маҳал ба роҳ монда мешавад.
36 МАВОД ДАР 10 МОҲ
Ноҳияи Панҷ яке аз ноҳияҳои сарҳадии вилояти Хатлон маҳсуб ёфта, дар ҷануби Ҷумҳурии Тоҷикистон ҷойгир аст. Дар самти иттилоърасонӣ ва муборизаи иттилоотӣ он бояд яке аз пешсафтарин бошад. Аммо мутаассифона, аз бемасъулиятӣ бошад ва ё аз ягон сабаби дигар, ки сомонаи расмии Мақомоти иҷроияи ҳокимияти давлатии ноҳияи Панҷ (www.panj.tj) сатҳи пасти фаъолият дорад. Дар сомонаи мазкур ҳамагӣ дар давоми соли 2024-ум 36 мавод ҷой дода шудааст, ки қариб ҳеҷ кадомаш ба фаъолияти ноҳия рабт надоранд.
Албатта, огоҳ намудани мардум бо ахбори гӯшаву канори кишвар чизи хуб аст, аммо дар ин баробар, бояд фаъолияти худи ноҳия ба таври васеъ инъикос шавад. Охирин маводе, ки дар сомонаи мазкур ҷой дода шудааст, 4 октябри соли 2024 мебошад, ки табрикоти раиси ноҳия бахшида ба Рӯзи забон аст. Дигар маводи ҷойшуда 2 октябри соли равон (Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд) ва боқимонда аз моҳи июли соли равон он тараф мебошанд, ки қиёсан барои як моҳ чор мавод рост меояд. Яъне. ин маънои онро дорад, ки дар кишвар ҳафтае як маротиба (бо дарназардошти нашри матолиби сомонаи расмии Мақомоти иҷроияи ҳокимияти давлатии ноҳияи Панҷ аз тамоми гӯшаву канори кишвар) ҳодисаи хусусияти иҷтимоидошта рух медодааст, ки аз ҷониби сомонаи мазкур нашр мешудааст. Ин дар ҳолест, ки вазифаи сомонаи мазкур нашри матолибе мебошад, ки ифодакунандаи ҳаводиси ноҳия бошад, на ахбору гузориши расонаҳои дигар, ки бознашр мекунад.
Дар қисмати тоҷикии сомонаи мазкур 22 рубрика - барномаҳои минтақавӣ, вохӯрӣ бо ҷамоат, государственные программы, кишоварзӣ, маориф, нақшаҳо, нишондодҳои иқтисодӣ ва иҷтимоӣ, нишондодҳои рушд, нуқтаи назар, паём ва суханрониҳои Президент, сиёсат, суханрониҳои раис, тандурустӣ, таҷлил, территория, фарҳанг, фаъолияти намояндагон, фаъолияти Шуро, хабарҳо, ҳисоботҳои ҳармоҳа ва ҳарсола, экология, эълонҳо мавҷуд аст, ки дутои он (государственные программы ва территория) бо забони русӣ омадаанд. Аз рӯйи мушоҳидаҳо маълум мегардад, ки сомонаи мазкур аз моҳи июни соли 2020 инҷониб дар торнигори интернет падид омадааст, ки қиёсан соли 2021 фаъолияти хуб нишон додааст.
САФАРҲОИ ПРЕЗИДЕНТ ИНЪИКОС НАМЕШАВАНД...
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 1 ноябри соли 2022 бо сафари корӣ ба ноҳияи Панҷ ташриф оварда, як қатор иншоот - боғи марказии фарҳангию фароғатии ноҳияи Панҷ, бинои маъмурӣ ва хонаҳои хизматӣ барои кормандони Раёсати Кумитаи давлатии амнияти миллии Ҷумҳурии Тоҷикистон дар ноҳияи Панҷ, бинои Маркази эҷодии кӯдакон ва наврасон, Нишони давлатии Ҷумҳурии Тоҷикистон, бинои панҷошёнаи истиқоматӣ бо марказҳои хизматрасонӣ ба истифода доданд. Аммо аз хабарҳои мазкур дар сомонаи расмии Мақомоти иҷроияи ҳокимияти давлатии ноҳияи Панҷ ҳеҷ нишоне нест.
Аз оне ки масъулони сомонаи мазкур ахбори дигар расонаҳоро, ки ҳеҷ рабте ба фаъолияти ноҳияи худ надоранд, бознашр мекунанд, хуб мешуд аз рӯйдоду ҳаводис ва ҷараёни фаъолияти худ барои омма маълумот пешкаш мекарданд.
“ДАР БОРАИ НОҲИЯ”
Маъмулан, дар сомонаҳои расмии дилхоҳ ташкилоту идораҳо қисматҳое барои муаррифии раис, муовинон ва дигар кормандони калидӣ мавҷуд аст, ки он ҷо тарҷумаи ҳоли онҳо ҷой дода мешавад. Ҳамин тариқ, дар сомонаи расмии Мақомоти иҷроияи ҳокимияти давлатии ноҳияи Панҷ низ қисмате бо номи “Дар бораи ноҳия” мавҷуд аст, ки дар он ҷо ба ҷуз аз маълумот дар бораи раиси ноҳия дигар чизе пайдо кардан ғайриимкон аст.
Инчунин, дар қисмати мазкур суроғаи ноҳия низ ишора шудааст, ки дохили он низ холӣ мебошад. Дар ин раванд, рубрикае бо номи “Ҳисоботҳои ҳармоҳа ва ҳарсола” мавҷуд аст, ки дар он ба ҷуз аз маълумоти солонаи солҳои 2020 ва 2022 чизе пайдо карда намешавад. Дар ин давра дар фаъолияти хоҷагии мардуми ноҳияи Панҷ нишондоде набуд, ки омори онро дар сомона ҷой диҳанд?
Дар дигар қисмат - “Ташкилотҳои ноҳиявӣ” ишораҳое чун муассисаҳои калон ва шуъбаи молиявӣ, идораҳо, бонкҳо, театрҳо, осорхонаҳо, боғҳо ва ҷойҳои фарҳангӣ, бозорҳо, мактабҳои варзишӣ ҷой дода шудаанд, ки дохили ҳамаи онҳо холӣ мебошад. Яъне, ин маънои онро дорад, ки дар ноҳияи Панҷ чунин ташкилоту идора ва мавзеъ мавҷуд нест.
МУРОҶИАТИ ШАҲРВАНДОН ДАР КАДОМ САТҲ АСТ?
Дар қисмати “Ҳуҷҷатҳо”-и сомонаи мазкур ду ҳуҷҷат – “Дар бораи Ҳукумати электронӣ” ва “Низомномаи муроҷиати шаҳрвандон” ҷой дода шудааст, ки аввалин холӣ мебошад. Агар масъулон дар иҷрои “Консепсияи ташаккули ҳукумати электронӣ дар Ҷумҳурии Тоҷикистон” масъулият медоштанд, пеш аз ҳама, фаъолияти сомонаи худро беҳтар мекарданд. Аммо, вале, лекин...
Дар асоси Низомномаи муроҷиати шаҳрвандон ҳар як шаҳрванд ҳуқуқ дорад, ки барои мушкилоти худ ба мақомоти иҷроияи ҳокимияи давлатӣ ва мақомоти худидоракунии шаҳраку деҳот бе ягон мамоният муроҷиат кунад. Аммо дар қисмати “Алоқа”-и сомонаи мазкур дар хусуси муроҷиати шаҳрвандон, саволу ҷавоб, суроғаҳои электронӣ, тарзи муроҷиат, рӯзҳои қабули шаҳрвандон, тартиби воридшавии дархостҳо маълумоте пайдо карда намешавад.
Ин ҷо суоле ба миён меояд, ки шаҳрвандон тавассути гӯшаи “Муроҷиати шаҳрвандон” ба мақомоти иҷроияи ҳокимияти давлатии шаҳру навоҳӣ муроҷиат карда метавонанд? Дар фаъолияти сомона мо инро мушоҳида накардем. Агар ҳа, чӣ қадар муроҷиат ба қайд гирифта шудааст? Чаро гӯшаи ин самт мавҷуд асту маълумот доир ба он не?
БА ҶОИ ХУЛОСА
Мақсад аз ташкили сомонаҳои расмии мақомоти иҷроияи ҳокимияти давлатии шаҳру навоҳӣ шинос намудани кормандони он ба мардум, огоҳ кардани мардум аз фаъолияти пурсамари шаҳру ноҳия, тарғиби арзишҳои миллӣ, вусъати корҳои ободонӣ ва зич намудани ҳамкории мардум ба мақомоти иҷроияи ҳокимияти давлатӣ мебошад. Аммо аз таҳлили мазкур бармеояд, ки баъзе сомонаҳои ташкилоту идораҳо ва мақомотҳои иҷроияи маҳаллӣ танҳо ба ном буда, фаъолияти муназзам ва ботартиб надоранд.
Бояд ёдовар шуд, ки татбиқи амалии Консепсияи “ҳукумати электронӣ” ва иҷрои Қарори Ҳукумати Ҷумҳурии Тоҷикистон “Дар бораи Қоидаҳои ягона барои сомонаҳои расмии ташкилоту муассисаҳо, мақомоти иҷроияи маҳаллии ҳокимияи давлатӣ ва мақомоти худидоракунии шаҳрак ва деҳот дар шабакаҳои интернет” барои пур намудани фазои иттилоотии шаҳру ноҳия ва дар умум ҷумҳурӣ нақши созгор дорад.
Барои фаъолияти пурсамари сомонаҳои расмии мақомоти иҷроияи ҳокимияти давлатии шаҳру ноҳияҳо, пеш аз ҳама рӯзноманигорони соҳибаҷриба ва бомаҳорат ба кор ҷалб карда шаванд. Дар ин баробар, матлабҳое, ки дар нашрияҳои музофотӣ нашр мешаванд, дар сомона ҷой дода шаванд. Инчунин, бояд қоидаҳои имлои забони тоҷикӣ риоя карда шавад.
Ҷасури ҚИЁМИДДИН, "ҶТ"
Бо рушди техникаву технология дар низоми фаъолияти журналистӣ, хусусан дар системаи расонидани иттилоъ ба ҷомеа марҳила ба марҳила навгонӣ ва имкониятҳои муосир ба вуҷуд омад, ки дар фаъолияти хоҷагии мардум аз онҳо васеъ истифода мешавад. Татбиқи консепсияи “ҳукумати электронӣ” дар фаъолияти иттилоотии мақомоти иҷроияи ҳокимияти давлатӣ ва мақомоти худидоракунии шаҳраку деҳот яке аз талаботҳои асосии замон маҳсуб ёфта, ҷиҳати пур намудани фазои иттилоотӣ бо ахбори сареъ ва саҳеҳ нақши калон мебозад. Дар баробари рушду пешрафти технологӣ ва таҳия шудани қонуну консепсияҳо, шаҳру ноҳияҳое ҳам вуҷуд доранд, ки бемасъулиятӣ зоҳир намуда, фаъолияти пурсамар нишон намедиҳанд. Яке аз чунин сомонаҳо торнигори интернетии ноҳияи Панҷ мебошад, ки ба талабот умуман ҷавобгӯ нест.
НИГОҲЕ БА КОНСЕПСИЯИ “ҲУКУМАТИ ЭЛЕКТРОНӢ”
Технология дар ташаккул аст. Бешак, он дар фаъолияти иттилоърасонӣ ва рушди он таъсири худро мегузорад. Имрӯз дар баробари телевизиону радио ва матбуоти даврӣ, инчунин сомонаҳои интернетӣ ва шабакаҳои иҷтимоӣ ба воситаҳои расонидани иттилоот мубаддал гаштаанд. Бо рушди интернет ва падид омадани расонаҳои иттилоотӣ рисолати намояндагони васоити ахбори омма зиёд шуда, сареҳияти он пурзӯр гардидааст.
Сомонаҳои расмии мақомоти давлатӣ дар самти расонидани иттилоот ва манбаи он оид ба фаъолияти мақомоти иҷроияи ҳокимияти давлатӣ ва мақомоти худидоракунии шаҳрак ва деҳот нақши асосиро мебозанд. Барои низоми фаъолият ва пурзӯр намудани ҷанбаи иттилоотӣ дар фаъолияти мақомоти давлатӣ бо Қарори Ҳукумати Ҷумҳурии Тоҷикистон аз 30 декабри соли 2011, №643 “Консепсияи ташаккули ҳукумати электронӣ дар Ҷумҳурии Тоҷикистон” тасдиқ гардидааст. Мақсади асосии консепсия баланд бардоштани самаранокии фаъолияти мақомоти иҷроияи ҳокимияти давлатӣ ва идоракунӣ бо истифодаи васеи технологияҳои иттилоотию коммуникатсионӣ, баланд бардоштани сатҳи сифат ва дастрас будани хизматҳои иҷтимоие, ки ба шаҳрвандон ва ташкилотҳо расонида мешаванд, сода гардонидани қоидаҳо ва кам кардани муҳлатҳои расонидани хизматҳои иҷтимоӣ, инчунин коҳиш додани хароҷоти маъмурӣ, ки ба расонидани ин хизматҳо вобастагӣ доранд, баланд бардоштани сатҳи дастрасӣ ба иттилоот дар бораи фаъолияти мақомоти иҷроияи ҳокимияти давлатӣ, ташаккули системаи ягонаи табодули иттилоотӣ бо истифода аз захираҳои иттилоотии электронӣ ва пайвастшавии доимӣ ба система ва шабакаҳои маҳдуди баҳисобгирии алоқаи ҳамаи истифодабарандагон ва ҳавасмандкунии иқтисодии истифода аз интернет ва технологияҳои муосири технологӣ мебошад.
Ҳамчунин, татбиқи амалии Консепсияи “ҳукумати электронӣ” имконият фароҳам меорад, ки шаффофияти фаъолияти мақомоти иҷроияи маҳаллӣ боло равад ва ҳамчун манбаи муътамади нашри ахбор дар расонаҳои хабарӣ истифода шаванд.
Дар ин баробар, барои беҳтар намудани фаъолият, ба низом даровардани сис-темаи корӣ ва баланд бардоштани масъу-лияти кормандони иттилоотии мақомоти ҳокимияти давлатӣ ва мақомоти худидоракунии шаҳраку деҳот аз 10 июли соли 2017, №344 Қарори Ҳукумати Ҷумҳурии Тоҷикистон “Дар бораи Қоидаҳои ягона барои сомонаҳои расмии ташкилоту муассисаҳо, мақомоти иҷроияи маҳаллии ҳокимияти давлатӣ ва мақомоти худидоракунии шаҳрак ва деҳот дар шабакаҳои интернет” таҳия гардидааст, ки дар асоси он фаъолияти сомонаҳои расмии мақомоти иҷроияи маҳал ба роҳ монда мешавад.
36 МАВОД ДАР 10 МОҲ
Ноҳияи Панҷ яке аз ноҳияҳои сарҳадии вилояти Хатлон маҳсуб ёфта, дар ҷануби Ҷумҳурии Тоҷикистон ҷойгир аст. Дар самти иттилоърасонӣ ва муборизаи иттилоотӣ он бояд яке аз пешсафтарин бошад. Аммо мутаассифона, аз бемасъулиятӣ бошад ва ё аз ягон сабаби дигар, ки сомонаи расмии Мақомоти иҷроияи ҳокимияти давлатии ноҳияи Панҷ (www.panj.tj) сатҳи пасти фаъолият дорад. Дар сомонаи мазкур ҳамагӣ дар давоми соли 2024-ум 36 мавод ҷой дода шудааст, ки қариб ҳеҷ кадомаш ба фаъолияти ноҳия рабт надоранд.
Албатта, огоҳ намудани мардум бо ахбори гӯшаву канори кишвар чизи хуб аст, аммо дар ин баробар, бояд фаъолияти худи ноҳия ба таври васеъ инъикос шавад. Охирин маводе, ки дар сомонаи мазкур ҷой дода шудааст, 4 октябри соли 2024 мебошад, ки табрикоти раиси ноҳия бахшида ба Рӯзи забон аст. Дигар маводи ҷойшуда 2 октябри соли равон (Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд) ва боқимонда аз моҳи июли соли равон он тараф мебошанд, ки қиёсан барои як моҳ чор мавод рост меояд. Яъне. ин маънои онро дорад, ки дар кишвар ҳафтае як маротиба (бо дарназардошти нашри матолиби сомонаи расмии Мақомоти иҷроияи ҳокимияти давлатии ноҳияи Панҷ аз тамоми гӯшаву канори кишвар) ҳодисаи хусусияти иҷтимоидошта рух медодааст, ки аз ҷониби сомонаи мазкур нашр мешудааст. Ин дар ҳолест, ки вазифаи сомонаи мазкур нашри матолибе мебошад, ки ифодакунандаи ҳаводиси ноҳия бошад, на ахбору гузориши расонаҳои дигар, ки бознашр мекунад.
Дар қисмати тоҷикии сомонаи мазкур 22 рубрика - барномаҳои минтақавӣ, вохӯрӣ бо ҷамоат, государственные программы, кишоварзӣ, маориф, нақшаҳо, нишондодҳои иқтисодӣ ва иҷтимоӣ, нишондодҳои рушд, нуқтаи назар, паём ва суханрониҳои Президент, сиёсат, суханрониҳои раис, тандурустӣ, таҷлил, территория, фарҳанг, фаъолияти намояндагон, фаъолияти Шуро, хабарҳо, ҳисоботҳои ҳармоҳа ва ҳарсола, экология, эълонҳо мавҷуд аст, ки дутои он (государственные программы ва территория) бо забони русӣ омадаанд. Аз рӯйи мушоҳидаҳо маълум мегардад, ки сомонаи мазкур аз моҳи июни соли 2020 инҷониб дар торнигори интернет падид омадааст, ки қиёсан соли 2021 фаъолияти хуб нишон додааст.
САФАРҲОИ ПРЕЗИДЕНТ ИНЪИКОС НАМЕШАВАНД...
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 1 ноябри соли 2022 бо сафари корӣ ба ноҳияи Панҷ ташриф оварда, як қатор иншоот - боғи марказии фарҳангию фароғатии ноҳияи Панҷ, бинои маъмурӣ ва хонаҳои хизматӣ барои кормандони Раёсати Кумитаи давлатии амнияти миллии Ҷумҳурии Тоҷикистон дар ноҳияи Панҷ, бинои Маркази эҷодии кӯдакон ва наврасон, Нишони давлатии Ҷумҳурии Тоҷикистон, бинои панҷошёнаи истиқоматӣ бо марказҳои хизматрасонӣ ба истифода доданд. Аммо аз хабарҳои мазкур дар сомонаи расмии Мақомоти иҷроияи ҳокимияти давлатии ноҳияи Панҷ ҳеҷ нишоне нест.
Аз оне ки масъулони сомонаи мазкур ахбори дигар расонаҳоро, ки ҳеҷ рабте ба фаъолияти ноҳияи худ надоранд, бознашр мекунанд, хуб мешуд аз рӯйдоду ҳаводис ва ҷараёни фаъолияти худ барои омма маълумот пешкаш мекарданд.
“ДАР БОРАИ НОҲИЯ”
Маъмулан, дар сомонаҳои расмии дилхоҳ ташкилоту идораҳо қисматҳое барои муаррифии раис, муовинон ва дигар кормандони калидӣ мавҷуд аст, ки он ҷо тарҷумаи ҳоли онҳо ҷой дода мешавад. Ҳамин тариқ, дар сомонаи расмии Мақомоти иҷроияи ҳокимияти давлатии ноҳияи Панҷ низ қисмате бо номи “Дар бораи ноҳия” мавҷуд аст, ки дар он ҷо ба ҷуз аз маълумот дар бораи раиси ноҳия дигар чизе пайдо кардан ғайриимкон аст.
Инчунин, дар қисмати мазкур суроғаи ноҳия низ ишора шудааст, ки дохили он низ холӣ мебошад. Дар ин раванд, рубрикае бо номи “Ҳисоботҳои ҳармоҳа ва ҳарсола” мавҷуд аст, ки дар он ба ҷуз аз маълумоти солонаи солҳои 2020 ва 2022 чизе пайдо карда намешавад. Дар ин давра дар фаъолияти хоҷагии мардуми ноҳияи Панҷ нишондоде набуд, ки омори онро дар сомона ҷой диҳанд?
Дар дигар қисмат - “Ташкилотҳои ноҳиявӣ” ишораҳое чун муассисаҳои калон ва шуъбаи молиявӣ, идораҳо, бонкҳо, театрҳо, осорхонаҳо, боғҳо ва ҷойҳои фарҳангӣ, бозорҳо, мактабҳои варзишӣ ҷой дода шудаанд, ки дохили ҳамаи онҳо холӣ мебошад. Яъне, ин маънои онро дорад, ки дар ноҳияи Панҷ чунин ташкилоту идора ва мавзеъ мавҷуд нест.
МУРОҶИАТИ ШАҲРВАНДОН ДАР КАДОМ САТҲ АСТ?
Дар қисмати “Ҳуҷҷатҳо”-и сомонаи мазкур ду ҳуҷҷат – “Дар бораи Ҳукумати электронӣ” ва “Низомномаи муроҷиати шаҳрвандон” ҷой дода шудааст, ки аввалин холӣ мебошад. Агар масъулон дар иҷрои “Консепсияи ташаккули ҳукумати электронӣ дар Ҷумҳурии Тоҷикистон” масъулият медоштанд, пеш аз ҳама, фаъолияти сомонаи худро беҳтар мекарданд. Аммо, вале, лекин...
Дар асоси Низомномаи муроҷиати шаҳрвандон ҳар як шаҳрванд ҳуқуқ дорад, ки барои мушкилоти худ ба мақомоти иҷроияи ҳокимияи давлатӣ ва мақомоти худидоракунии шаҳраку деҳот бе ягон мамоният муроҷиат кунад. Аммо дар қисмати “Алоқа”-и сомонаи мазкур дар хусуси муроҷиати шаҳрвандон, саволу ҷавоб, суроғаҳои электронӣ, тарзи муроҷиат, рӯзҳои қабули шаҳрвандон, тартиби воридшавии дархостҳо маълумоте пайдо карда намешавад.
Ин ҷо суоле ба миён меояд, ки шаҳрвандон тавассути гӯшаи “Муроҷиати шаҳрвандон” ба мақомоти иҷроияи ҳокимияти давлатии шаҳру навоҳӣ муроҷиат карда метавонанд? Дар фаъолияти сомона мо инро мушоҳида накардем. Агар ҳа, чӣ қадар муроҷиат ба қайд гирифта шудааст? Чаро гӯшаи ин самт мавҷуд асту маълумот доир ба он не?
БА ҶОИ ХУЛОСА
Мақсад аз ташкили сомонаҳои расмии мақомоти иҷроияи ҳокимияти давлатии шаҳру навоҳӣ шинос намудани кормандони он ба мардум, огоҳ кардани мардум аз фаъолияти пурсамари шаҳру ноҳия, тарғиби арзишҳои миллӣ, вусъати корҳои ободонӣ ва зич намудани ҳамкории мардум ба мақомоти иҷроияи ҳокимияти давлатӣ мебошад. Аммо аз таҳлили мазкур бармеояд, ки баъзе сомонаҳои ташкилоту идораҳо ва мақомотҳои иҷроияи маҳаллӣ танҳо ба ном буда, фаъолияти муназзам ва ботартиб надоранд.
Бояд ёдовар шуд, ки татбиқи амалии Консепсияи “ҳукумати электронӣ” ва иҷрои Қарори Ҳукумати Ҷумҳурии Тоҷикистон “Дар бораи Қоидаҳои ягона барои сомонаҳои расмии ташкилоту муассисаҳо, мақомоти иҷроияи маҳаллии ҳокимияи давлатӣ ва мақомоти худидоракунии шаҳрак ва деҳот дар шабакаҳои интернет” барои пур намудани фазои иттилоотии шаҳру ноҳия ва дар умум ҷумҳурӣ нақши созгор дорад.
Барои фаъолияти пурсамари сомонаҳои расмии мақомоти иҷроияи ҳокимияти давлатии шаҳру ноҳияҳо, пеш аз ҳама рӯзноманигорони соҳибаҷриба ва бомаҳорат ба кор ҷалб карда шаванд. Дар ин баробар, матлабҳое, ки дар нашрияҳои музофотӣ нашр мешаванд, дар сомона ҷой дода шаванд. Инчунин, бояд қоидаҳои имлои забони тоҷикӣ риоя карда шавад.
Ҷасури ҚИЁМИДДИН, "ҶТ"
Хабарҳои дигар
Рӯзнома
Эзоҳи худро нависед