Дар доираи сафари кории Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои Вилояти Мухтори Куҳистони Бадахшон дар деҳаи “Деҳ”-и ноҳияи Рӯшон майдончаи муосири варзишӣ бунёд гардида, мавриди истифода қарор дода шуд.

Ба иттилои маркази таҳлил ва иттилооти КҶВ дар маросими ба истифода додани иншооти мазкур Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Шералӣ Мирзо, сардори Саридораи ҳифзи сирри давлатии назди Ҳукумати Ҷумҳурии Тоҷикистон иштирок ва суханронӣ намуда, аз дастгириву ташаббусҳои Пешвои миллат нисбат ба ин самти афзалиятноки соҳаи иҷтимоии кишвар андешаронӣ намуданд.

Зимнан, ба як қатор фаъолон барои саҳм гузоштан дар рушд ва оммавигардонии варзиш дар маҳал аз ҷониби раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон туҳфаҳо тақдим шуд.