Имрӯз бо иштироки васеи намояндагони ВАО-и ҷумҳурӣ ва намояндагони хабаргузориҳои хориҷӣ дар кишвар нишасти матбуотии Хадамоти алоқаи назди Ҳукумати Ҷумҳурии Тоҷикистон баргузор гардид.

Дар нишаст Илҳомҷон Атоев, муовини раиси Хадамоти алоқаи кишвар иштирок намуда, вобаста ба масъалаи арзу шикоятҳои шаҳрвандон нисбати ширкатҳои мобилӣ гуфт. Аз ҷумла ӯ қайд намуд: “Мо вобаста ба мушкилиҳои ҷойдошта вокунишҳо нишон медиҳем, лекин тибқи қонунгузорӣ Прократураи генералӣ ва дигар мақомотҳои қонунгузорӣ низ вобаста ба ин амал мекунанд”.

Масъалаи дигаре, ки дар нишаст гуфта шуд, ин андоз аз симкортҳо мебошад. Иброз гардид, ки ин чиз барҳам нахурдааст, танҳо маблағ аз ҳисоби муштариён не, балки аз ҳисоби худи ширкатҳои мобилӣ пардохт карда мешаванд.