ҶОМЕА
Сешанбе 09 Июн 2026 09:38
Имрӯз, 17 октябр, дар маркази маъмурии вилояти Хатлон - шаҳри Бохтар бо саҳми Мақомоти иҷроияи ҳокимияти давлатии вилояти Хатлон дар ҳамкорӣ бо Агентии содироти назди Ҳукумати Ҷумҳурии Тоҷикистон Форуми байналмилалии сармоягузорӣ – содиротии “Хатлон Инвест-2024” ва намоишгоҳи “Бохтар-Фуд” доир шуд. Дар ин хусус нашрияи вилоятии Хатлон – рӯзномаи “Хатлон” хабар медиҳад.
Дар ҳамоиши мазкур раиси вилояти Хатлон Давлаталӣ Саид, муовини Сарвазири мамлакат Усмоналӣ Усмонзода, беш аз 400 нафар намояндагони корпусҳои дипломатӣ, соҳибкорону сармоягузорон ва дигар ҳайати ҳамроҳ ширкат доштанд.
Давлаталӣ Саид, раиси вилояти Хатлон, дар раванди ифтитоҳии форум қайд дошт, ки форуми имрӯза ҷиҳати муколама, баррасӣ ва дарёфти роҳҳои ҳамкориҳои мутақобилаи судманд имконияти мусоид фароҳам оварда, дар тавсеаи муносибатҳои иқтисодӣ, тиҷоратӣ ва ҷалби сармоя дар бунёди иқтидорҳои истеҳсолӣ, рушди содироти маҳсулотҳои хушсифати экологӣ ва барвақтии тару тозаи табиӣ саҳмгузор мебошад.
Дар ин раванд, намоишгоҳи “Бохтар-Фуд” баргузор шуд, ки дар он дастоварду пешрафти соҳаи кишоварзӣ ва саноати хӯроквории вилояти Хатлон пешкаш карда шуд.
Сипас, аз ҷониби масъулин барои татбиқи форуми мазкур мулоқоти оммавӣ ташкил карда шуд, ки дар он мавзуъҳои рӯзмарраи иқтисоди рақамӣ, энергияи сабз, истеҳсоли маҳсулоти органикӣ ва сармоягузорӣ дар тамоми бахшҳо - энергетика, саноат, сохтмон, нақлиёт, кишоварзӣ, савдо ва фанновариҳои технологӣ матраҳ гардиданд.
Иттилоъ дода шуд, ки вилояти Хатлон яке аз минтақаҳои тараққикунандаи кишвар буда, дар он қариб 4 миллион нафар ё 40 фоизи аҳолии ҷумҳурӣ зиндагӣ мекунад. Танҳо дар 5 соли охир ҳаҷми маҷмуи маҳсулоти минтақавӣ дар вилояти Хатлон қариб ду баробар афзуда, ба 36 миллиард сомонӣ расидааст. Суръати миёнаи афзоиши маҷмуи маҳсулоти умумии минтақа дар ин давра бештар аз 7,5%-ро ташкил дод. Рушди иқтисодии вилоят бошад, дар 9 моҳи соли ҷорӣ ба 8,3% расидааст. Инчунин, дар ҳамаи соҳаҳои иқтисодиёт зиёд шудани нишондиҳандаҳо мунтазам мушоҳида карда мешавад, ки ин дар соҳаҳои саноат ба ҳисоби миёна ба 8,1%, кишоварзӣ 7,6%, савдо 26% ва хизматрасонӣ ба 7% баробар аст.
Бояд ёдовар шуд, ки айни замон вилояти Хатлон бо беш аз 50 кишвари хориҷӣ муносибати тиҷоратию иқтисодиро ба роҳ монда, дар самти ҷалби сармоя бо 30 кишвари ҷаҳон ҳамкориро мустаҳкам намудааст.
- Барои кушодани иқтидорҳои нави истеҳсолӣ ва саноатӣ, коркарди ҳама намуди канданиҳои фоиданоки маъдан, захираҳои обу замин муҳайё буда, мо ҷиҳати ба роҳ мондани истеҳсол, коркард ва содироти маҳсулотҳои кишоварзӣ дар тамоми фасли сол имкон дорем, - илова намуд раиси вилояти Хатлон Давлаталӣ Саид зимни суханронӣ.
Ҳамчунин, қайд гардид, ки дар маҷмуъ, имрӯз 56%-и маҳсулоти соҳаи кишоварзии кишвар, аз ҷумла 62%-и ғаллаи дар ҷумҳурӣ истеҳсолшуда, 67%-и пахта, 52%-и пилла, 60%-и сабзавот, 78%-и зироатҳои полезӣ, 60%-и гӯшт, 42%-и шир ва 43%-и маҳсулоти саноатӣ ба вилояти Хатлон рост меояд.
Масоҳати заминҳои обёришаванда дар вилоят 338 ҳазор гектарро ташкил медиҳад, ки он ба 45 фоизи тамоми заминҳои обии ҷумҳурӣ баробар аст. Танҳо соли гузашта дар вилоят зиёда аз 1,1 миллион тонна ғалла, 1,8 миллион тонна сабзавот, 227,3 ҳазор тонна картошка, 276,2 ҳазор тонна мева, 125,0 ҳазор тонна ангур ва 229 ҳазор тонна пахта ҷамъоварӣ карда шуд.
Ҳамзамон, дар вилоят чорводорӣ, паррандапарварӣ, занбӯри асалпарварӣ ва моҳипарварӣ босуръат рушд ёфта, ҷиҳати пешрафти соҳа саҳми масъулон баланд арзёбӣ карда мешавад. Ин аст, ки кишоварзони вилоят ҳамасола ба кишварҳои хориҷа тақрибан 100 ҳазор тонна маҳсулоти кишоварзӣ содирот мекунанд.
Дар вилоят ҳамасола зиёда аз 80,0 ҳазор тонна нахи пахта, зиёда аз 1 миллион адад пӯсти моли калону майда ва 6 ҳазор тонна пашм истеҳсол гардида, қисми зиёди он дар шакли ашёи хоми коркарднашуда ба хориҷи кишвар содирот мегардад.
Бояд изҳор дошт, ки соҳаи саноат дар вилояти Хатлон бо истифода аз имкониятҳои фароҳамовардаи Ҳукумати Ҷумҳурии Тоҷикистон рушд ёфта, саҳми он дар саноати ҷумҳурӣ ба 25% баробар мебошад. Яке аз имкониятҳои афзалиятдоштаи иқтисодиёти вилояти Хатлон дар самти истеҳсоли энергияи сабз аз ҳисоби манбаъҳои барқароршаванда, ин истеҳсоли неруи барқи силсиланеругоҳҳои каскади Вахш, аз ҷумла Неругоҳҳои обию барқии Норак, Бойғозӣ, Сангтӯда-1, Сангтӯда-2, Сангоб, НОБ-и Вахш ва Сарбанд мебошад.
Инчунин, тибқи маълумот, дар корхонаҳои саноатии вилоят зиёда аз 200 намуд маҳсулоти саноатии соҳаи хӯрокворӣ, масолеҳи сохтмонӣ, нассоҷӣ, кимёвӣ ва истеҳсоли дигар намуди маҳсулотҳои гуногуни саноатӣ ба роҳ монда шудааст. Аз рӯйи имкониятҳои мавҷудаи ашёи хом дар миқёси вилоят бунёди корхонаҳои замонавӣ имкон дод, ки саҳми корхонаҳои вилоят дар истеҳсоли нахи пахта дар ҷумҳурӣ 66%, ресмон 77%, газворҳои пахтагин 65%, чигити пахта 66%, равған 65% ва семент 65%-ро ташкил диҳад.
Дар ҳудуди вилояти Хатлон барои коркарди пӯсту пашм низ имкониятҳои васеъ мавҷуд буда, дар бунёди корхонаҳои нави истеҳсолӣ бо ҷалби сармояи хориҷӣ ва ҷорӣ намудани технологияҳои нав таваҷҷуҳи хоса дода шудааст. Дар ин замина, дар вилоят се минтақаи озоди иқтисодӣ фаъолият дорад, ки дар онҳо беш аз 50 ширкат бомуваффақият маҳсулоти босифат ва рақобатпазири худро дар дохил ва хориҷи кишвар ба фурӯш бароварда истодаанд.
Инчунин, раиси вилояти Хатлон Давлаталӣ Саид изҳор дошт, ки мо дӯстон ва шарикони худро даъват менамоем, ки аз имконияти минтақаҳои озоди мо барои ташкили ҳам иқтидорҳои истеҳсолии худ ва ҳам корхонаҳои муштарак истифода баранд.
- Гуфтан ба маврид аст, ки вилояти Хатлон дорои инфрасохтори ҳамлу нақли бор ва мусофирон мебошад. Дар ҳудуди вилоят ду фурудгоҳи байналмилалӣ, роҳи оҳан, роҳҳои автомобилгарди мутобиқ ба стандартҳои байналмилалӣ мавҷуд аст, ки дар пешбурди фаъолияти соҳибкорию сармоягузорӣ нақши бунёдӣ дорад. Мақомоти иҷроияи ҳокимияти давлатии вилоят ба масъалаи рушди соҳибкории хурду миёна диққати хос зоҳир намуда, махсусан дар самти тақвияти соҳибкории занони муваффақ иқдомоти дастгирии молиявиро амалӣ намуда истодааст, - изҳор дошт Д. Саид.
Иттилоъ дода шуд, дар миқёси вилоят 31 264 нафар занони соҳибкор расман фаъолияти инфиродии худро рушд медиҳанд, ки 19084 нафари онҳо роҳбарони хоҷагиҳои деҳқонӣ буда, истеҳсолкунандагони маҳсулоти содиротии кишоварзӣ мебошанд. Ҳамчунин, дар доираи дастгирии ташаббуси таъсиси грантҳои Президенти Ҷумҳурии Тоҷикистон бо мақсади дастгирии соҳобкории хурду миёна миёни занону бонувон аз соли 2021 то соли 2023 ба 63 нафар занони соҳибкори вилоят ба маблағи 500 ҳазор сомонӣ гранти раиси вилояти Хатлон дастрас карда шудааст, ки ба рушди бахшҳои гуногуни сошаҳои кишоварзӣ ва ҳунармандӣ равона гардидааст.
Дар раванди ҳамоиш, аз ҷониби Давлаталӣ Саид, раиси вилояти Хатлон, ба 30 соҳибкорзани вилоят, ки ғолибони Озмун барои дарёфти гранти раиси вилояти Хатлон дар соли 2024 гардида буданд, ҷоиза ба маблағи умумии 500 ҳазор сомонӣ дода шуд.
Ҷасури ҚИЁМИДДИН, “ҶТ”
Дар ҳамоиши мазкур раиси вилояти Хатлон Давлаталӣ Саид, муовини Сарвазири мамлакат Усмоналӣ Усмонзода, беш аз 400 нафар намояндагони корпусҳои дипломатӣ, соҳибкорону сармоягузорон ва дигар ҳайати ҳамроҳ ширкат доштанд.
Давлаталӣ Саид, раиси вилояти Хатлон, дар раванди ифтитоҳии форум қайд дошт, ки форуми имрӯза ҷиҳати муколама, баррасӣ ва дарёфти роҳҳои ҳамкориҳои мутақобилаи судманд имконияти мусоид фароҳам оварда, дар тавсеаи муносибатҳои иқтисодӣ, тиҷоратӣ ва ҷалби сармоя дар бунёди иқтидорҳои истеҳсолӣ, рушди содироти маҳсулотҳои хушсифати экологӣ ва барвақтии тару тозаи табиӣ саҳмгузор мебошад.
Дар ин раванд, намоишгоҳи “Бохтар-Фуд” баргузор шуд, ки дар он дастоварду пешрафти соҳаи кишоварзӣ ва саноати хӯроквории вилояти Хатлон пешкаш карда шуд.
Сипас, аз ҷониби масъулин барои татбиқи форуми мазкур мулоқоти оммавӣ ташкил карда шуд, ки дар он мавзуъҳои рӯзмарраи иқтисоди рақамӣ, энергияи сабз, истеҳсоли маҳсулоти органикӣ ва сармоягузорӣ дар тамоми бахшҳо - энергетика, саноат, сохтмон, нақлиёт, кишоварзӣ, савдо ва фанновариҳои технологӣ матраҳ гардиданд.
Иттилоъ дода шуд, ки вилояти Хатлон яке аз минтақаҳои тараққикунандаи кишвар буда, дар он қариб 4 миллион нафар ё 40 фоизи аҳолии ҷумҳурӣ зиндагӣ мекунад. Танҳо дар 5 соли охир ҳаҷми маҷмуи маҳсулоти минтақавӣ дар вилояти Хатлон қариб ду баробар афзуда, ба 36 миллиард сомонӣ расидааст. Суръати миёнаи афзоиши маҷмуи маҳсулоти умумии минтақа дар ин давра бештар аз 7,5%-ро ташкил дод. Рушди иқтисодии вилоят бошад, дар 9 моҳи соли ҷорӣ ба 8,3% расидааст. Инчунин, дар ҳамаи соҳаҳои иқтисодиёт зиёд шудани нишондиҳандаҳо мунтазам мушоҳида карда мешавад, ки ин дар соҳаҳои саноат ба ҳисоби миёна ба 8,1%, кишоварзӣ 7,6%, савдо 26% ва хизматрасонӣ ба 7% баробар аст.
Бояд ёдовар шуд, ки айни замон вилояти Хатлон бо беш аз 50 кишвари хориҷӣ муносибати тиҷоратию иқтисодиро ба роҳ монда, дар самти ҷалби сармоя бо 30 кишвари ҷаҳон ҳамкориро мустаҳкам намудааст.
- Барои кушодани иқтидорҳои нави истеҳсолӣ ва саноатӣ, коркарди ҳама намуди канданиҳои фоиданоки маъдан, захираҳои обу замин муҳайё буда, мо ҷиҳати ба роҳ мондани истеҳсол, коркард ва содироти маҳсулотҳои кишоварзӣ дар тамоми фасли сол имкон дорем, - илова намуд раиси вилояти Хатлон Давлаталӣ Саид зимни суханронӣ.
Ҳамчунин, қайд гардид, ки дар маҷмуъ, имрӯз 56%-и маҳсулоти соҳаи кишоварзии кишвар, аз ҷумла 62%-и ғаллаи дар ҷумҳурӣ истеҳсолшуда, 67%-и пахта, 52%-и пилла, 60%-и сабзавот, 78%-и зироатҳои полезӣ, 60%-и гӯшт, 42%-и шир ва 43%-и маҳсулоти саноатӣ ба вилояти Хатлон рост меояд.
Масоҳати заминҳои обёришаванда дар вилоят 338 ҳазор гектарро ташкил медиҳад, ки он ба 45 фоизи тамоми заминҳои обии ҷумҳурӣ баробар аст. Танҳо соли гузашта дар вилоят зиёда аз 1,1 миллион тонна ғалла, 1,8 миллион тонна сабзавот, 227,3 ҳазор тонна картошка, 276,2 ҳазор тонна мева, 125,0 ҳазор тонна ангур ва 229 ҳазор тонна пахта ҷамъоварӣ карда шуд.
Ҳамзамон, дар вилоят чорводорӣ, паррандапарварӣ, занбӯри асалпарварӣ ва моҳипарварӣ босуръат рушд ёфта, ҷиҳати пешрафти соҳа саҳми масъулон баланд арзёбӣ карда мешавад. Ин аст, ки кишоварзони вилоят ҳамасола ба кишварҳои хориҷа тақрибан 100 ҳазор тонна маҳсулоти кишоварзӣ содирот мекунанд.
Дар вилоят ҳамасола зиёда аз 80,0 ҳазор тонна нахи пахта, зиёда аз 1 миллион адад пӯсти моли калону майда ва 6 ҳазор тонна пашм истеҳсол гардида, қисми зиёди он дар шакли ашёи хоми коркарднашуда ба хориҷи кишвар содирот мегардад.
Бояд изҳор дошт, ки соҳаи саноат дар вилояти Хатлон бо истифода аз имкониятҳои фароҳамовардаи Ҳукумати Ҷумҳурии Тоҷикистон рушд ёфта, саҳми он дар саноати ҷумҳурӣ ба 25% баробар мебошад. Яке аз имкониятҳои афзалиятдоштаи иқтисодиёти вилояти Хатлон дар самти истеҳсоли энергияи сабз аз ҳисоби манбаъҳои барқароршаванда, ин истеҳсоли неруи барқи силсиланеругоҳҳои каскади Вахш, аз ҷумла Неругоҳҳои обию барқии Норак, Бойғозӣ, Сангтӯда-1, Сангтӯда-2, Сангоб, НОБ-и Вахш ва Сарбанд мебошад.
Инчунин, тибқи маълумот, дар корхонаҳои саноатии вилоят зиёда аз 200 намуд маҳсулоти саноатии соҳаи хӯрокворӣ, масолеҳи сохтмонӣ, нассоҷӣ, кимёвӣ ва истеҳсоли дигар намуди маҳсулотҳои гуногуни саноатӣ ба роҳ монда шудааст. Аз рӯйи имкониятҳои мавҷудаи ашёи хом дар миқёси вилоят бунёди корхонаҳои замонавӣ имкон дод, ки саҳми корхонаҳои вилоят дар истеҳсоли нахи пахта дар ҷумҳурӣ 66%, ресмон 77%, газворҳои пахтагин 65%, чигити пахта 66%, равған 65% ва семент 65%-ро ташкил диҳад.
Дар ҳудуди вилояти Хатлон барои коркарди пӯсту пашм низ имкониятҳои васеъ мавҷуд буда, дар бунёди корхонаҳои нави истеҳсолӣ бо ҷалби сармояи хориҷӣ ва ҷорӣ намудани технологияҳои нав таваҷҷуҳи хоса дода шудааст. Дар ин замина, дар вилоят се минтақаи озоди иқтисодӣ фаъолият дорад, ки дар онҳо беш аз 50 ширкат бомуваффақият маҳсулоти босифат ва рақобатпазири худро дар дохил ва хориҷи кишвар ба фурӯш бароварда истодаанд.
Инчунин, раиси вилояти Хатлон Давлаталӣ Саид изҳор дошт, ки мо дӯстон ва шарикони худро даъват менамоем, ки аз имконияти минтақаҳои озоди мо барои ташкили ҳам иқтидорҳои истеҳсолии худ ва ҳам корхонаҳои муштарак истифода баранд.
- Гуфтан ба маврид аст, ки вилояти Хатлон дорои инфрасохтори ҳамлу нақли бор ва мусофирон мебошад. Дар ҳудуди вилоят ду фурудгоҳи байналмилалӣ, роҳи оҳан, роҳҳои автомобилгарди мутобиқ ба стандартҳои байналмилалӣ мавҷуд аст, ки дар пешбурди фаъолияти соҳибкорию сармоягузорӣ нақши бунёдӣ дорад. Мақомоти иҷроияи ҳокимияти давлатии вилоят ба масъалаи рушди соҳибкории хурду миёна диққати хос зоҳир намуда, махсусан дар самти тақвияти соҳибкории занони муваффақ иқдомоти дастгирии молиявиро амалӣ намуда истодааст, - изҳор дошт Д. Саид.
Иттилоъ дода шуд, дар миқёси вилоят 31 264 нафар занони соҳибкор расман фаъолияти инфиродии худро рушд медиҳанд, ки 19084 нафари онҳо роҳбарони хоҷагиҳои деҳқонӣ буда, истеҳсолкунандагони маҳсулоти содиротии кишоварзӣ мебошанд. Ҳамчунин, дар доираи дастгирии ташаббуси таъсиси грантҳои Президенти Ҷумҳурии Тоҷикистон бо мақсади дастгирии соҳобкории хурду миёна миёни занону бонувон аз соли 2021 то соли 2023 ба 63 нафар занони соҳибкори вилоят ба маблағи 500 ҳазор сомонӣ гранти раиси вилояти Хатлон дастрас карда шудааст, ки ба рушди бахшҳои гуногуни сошаҳои кишоварзӣ ва ҳунармандӣ равона гардидааст.
Дар раванди ҳамоиш, аз ҷониби Давлаталӣ Саид, раиси вилояти Хатлон, ба 30 соҳибкорзани вилоят, ки ғолибони Озмун барои дарёфти гранти раиси вилояти Хатлон дар соли 2024 гардида буданд, ҷоиза ба маблағи умумии 500 ҳазор сомонӣ дода шуд.
Ҷасури ҚИЁМИДДИН, “ҶТ”
Хабарҳои дигар
Рӯзнома
Эзоҳи худро нависед