Имрӯз зимни нишасти матбуотӣ Ҷӯразода Муъмин, ректори Филиали Донишгоҳи миллии таҳқиқотии технологии “МИСИС” дар шаҳри Душанбе, иттилоъ дод, ки солҳои охир таваҷҷуҳи корхонаю муассисаҳо ба хатмкунандагони филиал зиёд гардида, масъалаи бо ҷойи кор таъмин намудани онҳо тадриҷан беҳтар мешавад.

Ба гуфтаи ӯ, ҳамасола 80-85 фоизи хатмкунандагони гурӯҳҳои буҷавӣ бо роҳхат ба корхонаҳои давлатӣ ба ҷойи кор фиристода мешаванд. Қисми боқимондаи хатмкунандагон низ таҳти таваҷҷуҳи роҳбарияти филиал қарор доранд.

Ҳамчунин, бо мақсади ташкил ва гузаронидани корҳои озмоишию таҷрибаомӯзӣ филиал бо зиёда аз 10 ташкилоту идора ва корхонаи саноатӣ шартномаи ҳамкорӣ ба имзо расонидааст.

Гулафшон КАРИМОВА, “ҶТ”