Дар нимсолаи якуми соли 2025 аз тарафи олимони АМИТ ҳамагӣ 9 патент, аз ҷумла, 8 патенти Ҷумҳурии Тоҷикистон ва 1 патенти АвруОсиё барои ихтироъ, ҳамчунин 4 қарори мусбат оид ба додани нахустпатенти Ҷумҳурии Тоҷикистон барои ихтироъ ва 2 шаҳодатнома дар бораи бақайдгирии давлатии захираи иттилоотӣ ба даст оварда шудааст.

Қобилҷон Хушвахтзода, президенти Академияи миллии илмҳои кишвар зимни нишасти матбуотӣ бо зикри ин нукта ҳамзамон иброз дошт, ки дар Академия беш аз 100 чорабинии илмӣ баргузор шуд, аз ҷумла, 2 форуми байналмилалӣ, 4 конференсияи илмии ҷумҳуриявӣ, 45 семинари ҷумҳуриявӣ ва байналмилалӣ, 18 мизи мудаввар ва 2 курси омӯзишӣ.

М. МУҚАДАМОВА, “ҶТ”