Аз имрӯз- 6 август Мақомоти иҷроияи ҳокимияти давлатии шаҳри Душанбе қабули дархостҳои сокинонро тавассути барномаи мобилии “Шаҳрванди фаъол” - платформаи ягонаи рақамӣ барои иртибот байни шаҳрвандон ва сохторҳои Мақомоти иҷроияи ҳокомияти давлатии шаҳри Душанберо оғоз мекунад.

Дар ин бора, телеграмканали шаҳрдорӣ иттилоъ медиҳад.

Ба иттилои манбаъ, барномаи мазкур бо қарори Раиси шаҳри Душанбе муҳтарам Рустами Эмомалӣ таҳия гардида, бо воситаи он сокинон метавонанд дархосту пешниҳоди худро бо суроға, макони ҷуғрофӣ ва аксҳо ирсол намоянд.

Гуфта мешавад, ки сокинон метавонанд барномаи “Шаҳрванди фаъол”-ро аз App Store ва Google Play ба таври ройгон зеркашӣ намоянд.

Гулафшон КАРИМОВА, “ҶТ”