ҶОМЕА
Панҷшанбе 30 Июл 2026 12:00
28 июл зимни ҷаласаи Хадамоти алоқаи назди Ҳукумати Ҷумҳурии Тоҷикистон ва Агентии инноватсия ва технологияҳои рақамии назди Президенти Ҷумҳурии Тоҷикистон аз оғози қабули нахустин довталабон ба “ШКОЛА 21” хабар дода шуд.
Ҷаласаи мазкур бо иштироки муовини аввали сардори Хадамоти алоқаи назди Ҳукумати Ҷумҳурии Тоҷикистон Парвиз Нориён, муовини якуми директори Агентии инноватсия ва технологияҳои рақамии назди Президенти Ҷумҳурии Тоҷикистон Ҳаким Исмоилзод, директори генералии “Школа 21” Рустам Айнетдинов ва директори калони идоракунандаи Sberbank International Олег Капитонов доир гардид.
Тавре дар оғоз зикр гардид, қадами устувор ба сӯи ҷаҳони зеҳни сунъӣ ва технологияҳои рақамӣ дар шаҳри Душанбе аз “Школа 21” оғоз мегардад. Ба гуфтаи масъулин зеҳни сунъии амалӣ ва касби рақамии серталаб дар Душанбе аз аввалин қабули довталабон ба “Школа 21” оғоз гардидааст.
Ҳамчунин, гуфта шуд, ки қабул ба марҳилаи аввали интихоби “бассейн” ба “Школа 21” оғоз гардида, дар ин ҷо ҳамаи хоҳишмандони аз 18-сола боло метавонанд ба таври ройгон малакаҳои рақамӣ ба даст оварда, касби серталабро аз худ намоянд.
Ба ақидаи Парвиз Нориён, муовини якуми сардори Хадамоти алоқаи назди Ҳукумати Ҷумҳурии Тоҷикистон, инфрасохторро одамон месозанд ва имрӯз афзалияти асосӣ ҳамон кадрҳои соҳибихтисос мебошанд.
Ба гуфтаи ӯ дар “Школа 21” методикаи омӯзиши ҳамсол ба ҳамсол истифода мешавад, ки дар он иштирокчиёни омӯзиш дониш ва таҷрибаи худро мубодила намуда, лоиҳаҳоро иҷро мекунанд ва супоришҳои якдигарро месанҷанд.
- Ин равиш имкон медиҳад, ки на танҳо малакаҳои техникӣ, балки салоҳиятҳои муҳими соҳаи муосири технологияҳои иттилоотӣ, қобилияти кор дар гурӯҳ, пайдо кардани роҳҳои ҳалли масъала ва ба зимма гирифтани масъулият барои натиҷа низ рушд ёбанд ва 100% хатмкунандагони мактаб аз ширкатҳои бузурги рақамӣ пешниҳодҳои корӣ мегиранд ва зиёда аз нисфи иштирокчиёни лоиҳа маҳз дар ҳамин ҷо бори аввал бо барномасозӣ шинос мешаванд, - илова намуд номбурда.
Ҳамзамон, Ҳаким Исмоилзод, муовини якуми директори Агентии инноватсия ва технологияҳои рақамии назди Президенти Ҷумҳурии Тоҷикистон мегӯяд, ки “70 фоизи аҳолии Тоҷикистон аз 35-сола ҷавонтар мебошанд, ки ин сармояи асосии мо дар давраи зеҳни сунъӣ ба ҳисоб меравад. Таҳсилоти сатҳи ҷаҳонӣ ройгон ва барои ҳар як нафар дастрас аст, зеро иқтисоди рақамӣ ба василаи болоравии иҷтимоӣ табдил меёбад”.
Тибқи иттилои масъулин, қабули довталабон аз чанд марҳила иборат буда, баъди бақайдгирӣ ва санҷиши онлайн иштирокчиён ба марҳилаи 14-рӯзаи “бассейн” роҳ меёбанд. Дар ин маврид Ҳаким Исмоилзод гуфт, ки хоҳишмандон ба таври ройгон дар ҳар самт таҳсил карда метавонанд.
С. ИБОДЗОДА, “ҶТ”
Ҷаласаи мазкур бо иштироки муовини аввали сардори Хадамоти алоқаи назди Ҳукумати Ҷумҳурии Тоҷикистон Парвиз Нориён, муовини якуми директори Агентии инноватсия ва технологияҳои рақамии назди Президенти Ҷумҳурии Тоҷикистон Ҳаким Исмоилзод, директори генералии “Школа 21” Рустам Айнетдинов ва директори калони идоракунандаи Sberbank International Олег Капитонов доир гардид.
Тавре дар оғоз зикр гардид, қадами устувор ба сӯи ҷаҳони зеҳни сунъӣ ва технологияҳои рақамӣ дар шаҳри Душанбе аз “Школа 21” оғоз мегардад. Ба гуфтаи масъулин зеҳни сунъии амалӣ ва касби рақамии серталаб дар Душанбе аз аввалин қабули довталабон ба “Школа 21” оғоз гардидааст.
Ҳамчунин, гуфта шуд, ки қабул ба марҳилаи аввали интихоби “бассейн” ба “Школа 21” оғоз гардида, дар ин ҷо ҳамаи хоҳишмандони аз 18-сола боло метавонанд ба таври ройгон малакаҳои рақамӣ ба даст оварда, касби серталабро аз худ намоянд.
Ба ақидаи Парвиз Нориён, муовини якуми сардори Хадамоти алоқаи назди Ҳукумати Ҷумҳурии Тоҷикистон, инфрасохторро одамон месозанд ва имрӯз афзалияти асосӣ ҳамон кадрҳои соҳибихтисос мебошанд.
Ба гуфтаи ӯ дар “Школа 21” методикаи омӯзиши ҳамсол ба ҳамсол истифода мешавад, ки дар он иштирокчиёни омӯзиш дониш ва таҷрибаи худро мубодила намуда, лоиҳаҳоро иҷро мекунанд ва супоришҳои якдигарро месанҷанд.
- Ин равиш имкон медиҳад, ки на танҳо малакаҳои техникӣ, балки салоҳиятҳои муҳими соҳаи муосири технологияҳои иттилоотӣ, қобилияти кор дар гурӯҳ, пайдо кардани роҳҳои ҳалли масъала ва ба зимма гирифтани масъулият барои натиҷа низ рушд ёбанд ва 100% хатмкунандагони мактаб аз ширкатҳои бузурги рақамӣ пешниҳодҳои корӣ мегиранд ва зиёда аз нисфи иштирокчиёни лоиҳа маҳз дар ҳамин ҷо бори аввал бо барномасозӣ шинос мешаванд, - илова намуд номбурда.
Ҳамзамон, Ҳаким Исмоилзод, муовини якуми директори Агентии инноватсия ва технологияҳои рақамии назди Президенти Ҷумҳурии Тоҷикистон мегӯяд, ки “70 фоизи аҳолии Тоҷикистон аз 35-сола ҷавонтар мебошанд, ки ин сармояи асосии мо дар давраи зеҳни сунъӣ ба ҳисоб меравад. Таҳсилоти сатҳи ҷаҳонӣ ройгон ва барои ҳар як нафар дастрас аст, зеро иқтисоди рақамӣ ба василаи болоравии иҷтимоӣ табдил меёбад”.
Тибқи иттилои масъулин, қабули довталабон аз чанд марҳила иборат буда, баъди бақайдгирӣ ва санҷиши онлайн иштирокчиён ба марҳилаи 14-рӯзаи “бассейн” роҳ меёбанд. Дар ин маврид Ҳаким Исмоилзод гуфт, ки хоҳишмандон ба таври ройгон дар ҳар самт таҳсил карда метавонанд.
С. ИБОДЗОДА, “ҶТ”
Хабарҳои дигар
Рӯзнома
Эзоҳи худро нависед