Соли 2025-ум 39 нафар занони ҳунарманди вилояти Суғд бо пешниҳоди лоиҳа дар самти рушди ҳунармандӣ, таъсиси ҷойҳои нави корӣ ва фаъолияти соҳибкорӣ ба гирифтани грантҳои президентӣ мушарраф шуданд.

Дар ин бора зимни нишасти матбуотӣ Хуршеда Хоҷазода, сардори Раёсати кор бо занон ва оилаи МИҲД-и вилояти Суғд хабар дод.

Номбурда дар идома илова намуд, ки барои дастгирӣ ва рушди фаъолияти соҳибкории занон моҳи ноябри соли 2025 ба 60 нафар занони ҳунарманди шаҳру ноҳияҳо грантҳои раиси вилояти Суғд аз 5 то 10 ҳазор сомонӣ супорида шуд.

Занони ҳунарманд бо истифода аз маблағҳои грантӣ самти фаъолияти худро васеъ ва аз 10 то 30 нафар занону духтаронро бо кор таъмин менамоянд. Дар назар аст, ки тибқи лоиҳа беш аз 650 нафар ба кору омӯзиш фаро гирифта мешаванд.

Субҳиддин ҚОДИРОВ, “ҶТ”