Дар нишасти хабарии Суди Олии иқтисодӣ, ки имрӯз бо иштироки раиси он Абдуллозода Зебунисо баргузор гардид, иттилоъ дода шуд, ки дар нимсолаи якуми соли 2026 дар марҳилаҳои якум, кассатсионӣ ва назоратии судҳои иқтисодӣ дар маҷмуъ 2 ҳазору 18 парванда баррасӣ шудааст.

Ба иттилои манбаъ, аз шумораи умумии парвандаҳо 1 170 парванда бо баровардани ҳалнома анҷом ёфта, истеҳсолот нисбат ба 72 парванда қатъ гардидааст. Ҳамзамон, 181 парванда дар марҳилаи кассатсионӣ ва 147 парванда дар марҳилаи назоратӣ мавриди баррасӣ қарор гирифтааст.

Зикр гардид, ки дар давраи ҳисоботӣ оид ба рӯёнидани маблағҳои зарар ба маблағи 253,1 миллион сомонӣ талабот пешниҳод шуда, аз ин маблағ 208,6 миллион сомонӣ талаботи даъво қонеъ гардидааст. Инчунин, барои таъмини иҷрои саривақтии санадҳои судӣ дар ҳамкорӣ бо мақомоти дахлдор тақвият ёфта, иҷрои санадҳои судӣ ба маблағи умумии 69,7 миллион сомонӣ таъмин шудааст.

Гулафшон КАРИМОВА, “ҶТ”