8 - уми май дар МД рӯзномаи “Ҷавонони Тоҷикистон” ҷиҳати таъсиси ташкилоти ибтидоии Ҳизби Халқии Демократии Тоҷикистон бо иштироки Муродзода Ҷурабек Қурбоналӣ, раиси Кумитаи иҷроияи ҲХДТ дар ноҳияи Фирдавсӣ, Шодихони Назар, сармуҳаррири рӯзномаи “Ҷавонони Тоҷикистон” ва кормандони рӯзнома маҷлис баргузор гардид.

Нахуст, Шодихони Назар, сармуҳаррири рӯзномаи “Ҷавонони Тоҷикистон” ҳозиринро бо рӯзномаи маҷлис шинос намуда, аз рӯи масъалаи якуми рӯзнома “Оиди таъсиси ташкилоти ибтидоии ҳизбӣ дар МД рӯзномаи “Ҷавонони Тоҷикистон” бо ҷонибдории аъзои ҳизб ташкилоти ибтидоии ҳизбӣ таъсис дода шуд.

Тибқи масъалаи дуюми рӯзномаи маҷлиси муассисон “Дар бораи номгузории ташкилоти ибтидоии ҳизбӣ” бо пешниҳод ва ҷонибдории ҳайати аъзои ҳизб номи ташкилоти ибтидоии ҳизбӣ “Ҷавонон” номгузорӣ карда шуд.

Вобаста ба масъалаҳои дигари рӯзнома интихоби раис ва муовини раиси ташкилоти ибтидоии ҳизбӣ қарорҳои дахлдор қабул гардида, Шодихони Назар – раиси ташкилоти ибтидоии ва Холмуродов Беҳрӯз – муовини раиси ташкилоти ибтидоӣ интихоб гардиданд.

Дар идома Ҷурабек Муродзода вобаста ба амалӣ гардонидани ҳадафи Оиннома ва Барномаи ҲХДТ суханронӣ намуда, иброз дошт, ки сиёсати ҷавонон ва варзиш яке аз самтҳои муҳим ва афзалиятноки Ҳизби Халқии Демократии Тоҷикистон ба шумор рафта, татбиқи босамари он ҳамчун кафолати дастёбӣ ба ҳадафҳои барномавии ҳизб арзёбӣ мегардад.

Гуфта шуд, ки Ҳизби Халқии Демократии Тоҷикистон фароҳам овардани шароити мусоид барои рушди ҳамаҷонибаи зеҳнию ҷисмонии ҷавонон, тарғиби тарзи ҳаёти солим миёни онҳо, тарбияи ҷисмонӣ ва рушди варзишро яке аз омилҳои муассири тарбияи ҷавонон дар руҳияи худшиносию ватанпарастӣ ва муаррифии шоистаи кишвар дар арсаи байналмилалӣ эътироф менамояд.

Ҳамзамон, таъкид гардид, ки мо бояд 35 – солагии Истиқлоли давлатиро дар сатҳи баланди ташкилию сиёсӣ ва бо корҳои созандагиву бунёдкорӣ истиқбол гирифта, саҳми худро дар рушди давлатдории миллӣ ҳамчун як фарди ватандӯст гузорем.

“ҶТ”