Рӯзҳои 15–16 август дар Қасри теннис ва маҷмааи варзиши обии шаҳри Душанбе дуюмин Чемпионати ҷаҳон оид ба гӯштингирӣ баргузор мегардад.

Дар мусобиқа беш аз 200 варзишгар аз 70 кишвари ҷаҳон иштирок намуда, рақобатҳо аз рӯи 9 вазн 6 вазн миёни мардон ва 3 вазн байни бонувон сурат мегиранд.

Тоҷикистонро дар сабқати мардон 18 варзишгар ва дар рақобатҳои занон 7 варзишгар намояндагӣ мекунанд. Дар байни иштирокдорон паҳлавонони шинохтаи тоҷик, аз ҷумла Комроншоҳ Устопириён, Ҳақназар Назаров ва Шакармамад Мирмамадов низ ҳастанд.

Маблағи умумии ҷоизаҳои мусобиқа 400 ҳазор доллари ИМА буда, ғолибони ҳар вазн 20 ҳазор, барандагони медали нуқра 10 ҳазор ва соҳибони медалҳои биринҷӣ 5-ҳазордолларӣ мегиранд.

Ёдовар мешавем, ки нахустин Чемпионати ҷаҳон оид ба гӯштингирӣ моҳи августи соли 2024 дар Душанбе баргузор шуда буд. Варзишгарони Тоҷикистон дар он 11 медал, аз ҷумла 5 тилло, 1 нуқра ва 5 биринҷӣ ба даст оварда, дар ҳисоби даставӣ мақоми аввалро соҳиб шуданд.

Гӯштигирӣ соли 2022 мақоми байналмилалӣ гирифта, гӯштини миллии тоҷикӣ соҳиби сертификати байналмилалӣ гардидааст.

Яҳё МАҲМАДНАБИЕВ, “ҶТ”