ВАРЗИШ
Душанбе 18 Май 2026 06:33
Ё чӣ гуна наврасони тоҷик роҳхати Ҷоми ҷаҳон-2026-ро соҳиб шуданд?
Футболи Тоҷикистон рӯзҳои фаромӯшнашавандаро пушти сар мекунад. Дастаи мунтахаби наврасони кишвар (U-17) таҳти роҳбарии мураббии ҷавон Далер Қаёсов дар мусобиқоти Ҷоми Осиё-2026, ки дар Арабистони Саудӣ баргузор шуда истодааст, бо намоиши бозии ҷаззоб ва натиҷаҳои назаррас тавонист на танҳо ба даври чорякниҳоӣ роҳ ёбад, балки пеш аз муҳлат роҳхати Ҷоми ҷаҳон-2026-ро низ ба даст оварад.
Ин дастоварди бузург барои футболи тоҷик аҳамияти махсус дорад. Мунтахаби наврасони Тоҷикистон бори чаҳорум дар таърихи соҳибистиқлолии кишвар дар Чемпионати ҷаҳон иштирок хоҳад кард. Пеш аз ин футболбозони ҷавони тоҷик дар солҳои 2007, 2019 ва 2025 дар чунин мусобиқоти бонуфуз ҳузур доштанд. Акнун насли нави футболбозони тоҷик имкон пайдо кард, ки моҳи ноябр дар Қатар парчами Тоҷикистонро дар арсаи ҷаҳонӣ баланд бардорад.
Мунтахаби Тоҷикистон бо омодагии ҷиддӣ вориди мусобиқоти қаҳрамонии Осиё шуд. Пеш аз оғози мусобиқот коршиносон бештар аз тимҳои Ҷопон, Кореяи Ҷанубӣ, Эрон ва Арабистони Саудӣ ҳамчун фаворит ёд мекарданд. Аммо наврасони тоҷик нишон доданд, ки омодаанд баробар бо беҳтаринҳои қора мубориза баранд.
Дар бозии нахуст шогирдони Далер Қаёсов муқобили мунтахаби Таиланд ба майдон баромаданд. Ин бозӣ барои ҳар ду даста аҳамияти калидӣ дошт, зеро натиҷаи мусбат метавонист ба онҳо дар идомаи мусобиқот боварии бештар бахшад.
Футболбозони тоҷик аз дақиқаҳои аввал бо ҷасорат бозӣ карданд. Мавқеъгириҳои ҳадафмандона дар хати ҳамла, муборизаи беамон дар маркази майдон ва интизоми хуби тактикӣ имкон дод, ки мунтахаби Тоҷикистон бартарии худро нишон диҳад. Дар натиҷа дастаи мо бо ҳисоби 2:0 пирӯз гардид ва се имтиёзи муҳимро ба даст овард.
Ин ғалаба руҳияи дастаро баланд бардошт ва таваҷҷуҳи мухлисони футболро ба мунтахаби наврасони Тоҷикистон бештар кард.
Дар даври дуюми мусобиқот бошад, мунтахаби Тоҷикистон бо тими Мянмар неру санҷид. Ин бозӣ яке аз ҳалкунандатарин рақобатҳои марҳилаи гурӯҳӣ ба ҳисоб мерафт, зеро пирӯзӣ метавонист роҳхати даври баъдӣ ва ҳамзамон иштирок дар Ҷоми ҷаҳонро таъмин намояд.
Бозӣ дар фазои пуршиддат ҷараён гирифт. Ҳар ду даста кӯшиш мекарданд ташаббусро ба даст гиранд. Футболбозони тоҷик бо вуҷуди фишори рақиб оромии худро нигоҳ дошта, бо тарзи муназзами бозӣ имкониятҳои голзанӣ эҷод мекарданд.
Лаҳзаи ҳалкунандаи дидор дар қисми дуюми бозӣ рух дод. Асадбек Махтумов, ки яке аз бозингарони фаъолтарини майдон буд, аз имконияти муносиб истифода карда, тӯбро ба дарвозаи рақиб равон сохт. Ин гол на танҳо ғалабаи Тоҷикистонро таъмин кард, балки ба яке аз муҳимтарин голҳои таърихи футболи наврасони кишвар табдил ёфт.
Пас аз садои ниҳоии довар эҳсосоти шодии футболбозон, ҳайати мураббиён ва мухлисони тоҷикро тасвир кардан душвор буд. Тоҷикистон пеш аз муҳлат соҳиби роҳхат ба Ҷоми ҷаҳон-2026 гардид.
Дар бозии сеюми марҳилаи гурӯҳӣ мунтахаби Тоҷикистон бо мизбони мусобиқот Арабистони Саудӣ рақобат кард. Ин дидор ба яке аз бозии ҷолибтарин ва серголтарин мусобиқот табдил ёфт.
Ҳар ду даста бо руҳияи ҳамлавар ба майдон баромаданд. Мухлисон шоҳиди муборизаи ниҳоят сахту пуршиддат гардиданд. Дар тули 90 дақиқа дастаҳо пайваста ба ҳам ҳуҷум мекарданд ва ҳисоб чандин маротиба тағйир ёфт.
Наврасони тоҷик дар ин бозӣ руҳияи мағлубнопазирии худро нишон доданд. Бо вуҷуди фишори мизбонон ва дастгирии ҳазорҳо мухлиси маҳаллӣ футболбозони мо то дақиқаҳои охир муборизаро идома доданд.
Дар натиҷа бозӣ бо ҳисоби ғайриоддии 5:5 анҷом ёфт. Ин натиҷа бори дигар нишон дод, ки мунтахаби Тоҷикистон имрӯз метавонад бо ҳар рақиби осиёӣ муборизаи баробар анҷом диҳад.
Бо ин мусовӣ Тоҷикистон дар гурӯҳи “А” мақоми дуюмро касб карда, ба даври чорякниҳоӣ роҳ ёфт.
Акнун мунтахаби Тоҷикистонро муҳимтарин бозии мусобиқот интизор аст. Дар даври чорякниҳоӣ шогирдони Далер Қаёсов бо тими пурқуввати Ҷопон бозӣ мекунанд.
Мунтахаби Ҷопон яке аз қавитарин дастаҳои наврасони қора ба ҳисоб меравад. Аммо таҷрибаи ҳамин мусобиқот нишон дод, ки наврасони тоҷик аз ному мақоми рақибон ҳарос надоранд.
Коршиносон бар он назаранд, ки барои муваффақ шудан дар муқобили Ҷопон ба футболбозони тоҷик интизоми тактикӣ, истифодаи дурусти имкониятҳо ва устувории равонӣ зарур аст. Дар айни замон бозии ҳамлавар ва руҳияи муборизи даста метавонад ба яке аз омилҳои асосии муваффақият табдил ёбад.
Бозии Тоҷикистону Ҷопон рӯзи 15 май баргузор мешавад ва таваҷҷуҳи ҳазорон мухлиси футболро ба худ ҷалб кардааст.
Гуфтан зарур аст, ки дар пасманзари ин натиҷаҳои таърихӣ нақши сармураббӣ Далер Қаёсов махсус арзёбӣ мешавад. Мутахассиси ҷавон тавонист дар муддати кӯтоҳ дастаи муттаҳид, ҷасур ва рақобатпазир созад.
Яке аз муҳимтарин хусусиятҳои ин мунтахаб руҳияи баланди даставӣ мебошад. Футболбозон дар майдон барои ҳар як тӯб мубориза мебаранд ва дар лаҳзаҳои душвор ҳамдигарро дастгирӣ мекунанд. Ин нишон медиҳад, ки ҳайати мураббиён на танҳо аз ҷиҳати техникӣ, балки аз назари равонӣ низ бо даста кори ҷиддӣ анҷом додааст.
Коршиносон инчунин тактикаи ҷасуронаи мунтахабро махсус таъкид мекунанд. Тоҷикистон дар аксари бозиҳо танҳо ба ҳимоя такя намекунад, балки кӯшиш мекунад, бозии фаъолу ҳамлавар нишон диҳад.
Агар ба бозии бачаҳои тоҷик мунсифона назар кунем, аёнамон мегардад, ки муваффақияти мунтахаби наврасон натиҷаи тасодуфӣ нест. Солҳои охир дар Тоҷикистон ба рушди футболи кӯдакон ва наврасон таваҷҷуҳи бештар зоҳир мешавад.
Бунёди майдончаҳои нави варзишӣ, ташкили академияҳои футбол, иштироки мунтазами дастаҳои наврасон дар мусобиқоти байналмилалӣ ва дастгирии Федератсияи футболи Тоҷикистон барои пешрафти ин соҳа заминаи мусоид фароҳам овардааст.
Имрӯз дар кишвар насли нави футболбозон ба воя мерасад, ки орзу доранд дар дастаҳои маъруфи ҷаҳон бозӣ кунанд ва Тоҷикистонро дар сатҳи байналмилалӣ муаррифӣ намоянд.
Муваффақияти мунтахаби наврасони Тоҷикистон танҳо як дастоварди варзишӣ нест. Ин пирӯзӣ ба мардум эҳсоси ифтихор, иттиҳод ва умед мебахшад.
Имрӯз ин даста ба рамзи ирода, меҳнат ва боварӣ ба неруи ҷавонони тоҷик табдил ёфтааст. Новобаста аз натиҷаи бозии чорякниҳоӣ муқобили Ҷопон, наврасони Тоҷикистон аллакай исбот карданд, ки метавонанд бо беҳтаринҳои қора рақобат намоянд.
Акнун тамоми ҳаводорони варзиши кишвар мунтазири идомаи ин афсонаи зебои футболист. Афсонае, ки метавонад Тоҷикистонро ба дастовардҳои боз ҳам бузургтар расонад.
Яҳё МАҲМАДНАБИЕВ, “ҶТ”
Футболи Тоҷикистон рӯзҳои фаромӯшнашавандаро пушти сар мекунад. Дастаи мунтахаби наврасони кишвар (U-17) таҳти роҳбарии мураббии ҷавон Далер Қаёсов дар мусобиқоти Ҷоми Осиё-2026, ки дар Арабистони Саудӣ баргузор шуда истодааст, бо намоиши бозии ҷаззоб ва натиҷаҳои назаррас тавонист на танҳо ба даври чорякниҳоӣ роҳ ёбад, балки пеш аз муҳлат роҳхати Ҷоми ҷаҳон-2026-ро низ ба даст оварад.
Ин дастоварди бузург барои футболи тоҷик аҳамияти махсус дорад. Мунтахаби наврасони Тоҷикистон бори чаҳорум дар таърихи соҳибистиқлолии кишвар дар Чемпионати ҷаҳон иштирок хоҳад кард. Пеш аз ин футболбозони ҷавони тоҷик дар солҳои 2007, 2019 ва 2025 дар чунин мусобиқоти бонуфуз ҳузур доштанд. Акнун насли нави футболбозони тоҷик имкон пайдо кард, ки моҳи ноябр дар Қатар парчами Тоҷикистонро дар арсаи ҷаҳонӣ баланд бардорад.
Мунтахаби Тоҷикистон бо омодагии ҷиддӣ вориди мусобиқоти қаҳрамонии Осиё шуд. Пеш аз оғози мусобиқот коршиносон бештар аз тимҳои Ҷопон, Кореяи Ҷанубӣ, Эрон ва Арабистони Саудӣ ҳамчун фаворит ёд мекарданд. Аммо наврасони тоҷик нишон доданд, ки омодаанд баробар бо беҳтаринҳои қора мубориза баранд.
Дар бозии нахуст шогирдони Далер Қаёсов муқобили мунтахаби Таиланд ба майдон баромаданд. Ин бозӣ барои ҳар ду даста аҳамияти калидӣ дошт, зеро натиҷаи мусбат метавонист ба онҳо дар идомаи мусобиқот боварии бештар бахшад.
Футболбозони тоҷик аз дақиқаҳои аввал бо ҷасорат бозӣ карданд. Мавқеъгириҳои ҳадафмандона дар хати ҳамла, муборизаи беамон дар маркази майдон ва интизоми хуби тактикӣ имкон дод, ки мунтахаби Тоҷикистон бартарии худро нишон диҳад. Дар натиҷа дастаи мо бо ҳисоби 2:0 пирӯз гардид ва се имтиёзи муҳимро ба даст овард.
Ин ғалаба руҳияи дастаро баланд бардошт ва таваҷҷуҳи мухлисони футболро ба мунтахаби наврасони Тоҷикистон бештар кард.
Дар даври дуюми мусобиқот бошад, мунтахаби Тоҷикистон бо тими Мянмар неру санҷид. Ин бозӣ яке аз ҳалкунандатарин рақобатҳои марҳилаи гурӯҳӣ ба ҳисоб мерафт, зеро пирӯзӣ метавонист роҳхати даври баъдӣ ва ҳамзамон иштирок дар Ҷоми ҷаҳонро таъмин намояд.
Бозӣ дар фазои пуршиддат ҷараён гирифт. Ҳар ду даста кӯшиш мекарданд ташаббусро ба даст гиранд. Футболбозони тоҷик бо вуҷуди фишори рақиб оромии худро нигоҳ дошта, бо тарзи муназзами бозӣ имкониятҳои голзанӣ эҷод мекарданд.
Лаҳзаи ҳалкунандаи дидор дар қисми дуюми бозӣ рух дод. Асадбек Махтумов, ки яке аз бозингарони фаъолтарини майдон буд, аз имконияти муносиб истифода карда, тӯбро ба дарвозаи рақиб равон сохт. Ин гол на танҳо ғалабаи Тоҷикистонро таъмин кард, балки ба яке аз муҳимтарин голҳои таърихи футболи наврасони кишвар табдил ёфт.
Пас аз садои ниҳоии довар эҳсосоти шодии футболбозон, ҳайати мураббиён ва мухлисони тоҷикро тасвир кардан душвор буд. Тоҷикистон пеш аз муҳлат соҳиби роҳхат ба Ҷоми ҷаҳон-2026 гардид.
Дар бозии сеюми марҳилаи гурӯҳӣ мунтахаби Тоҷикистон бо мизбони мусобиқот Арабистони Саудӣ рақобат кард. Ин дидор ба яке аз бозии ҷолибтарин ва серголтарин мусобиқот табдил ёфт.
Ҳар ду даста бо руҳияи ҳамлавар ба майдон баромаданд. Мухлисон шоҳиди муборизаи ниҳоят сахту пуршиддат гардиданд. Дар тули 90 дақиқа дастаҳо пайваста ба ҳам ҳуҷум мекарданд ва ҳисоб чандин маротиба тағйир ёфт.
Наврасони тоҷик дар ин бозӣ руҳияи мағлубнопазирии худро нишон доданд. Бо вуҷуди фишори мизбонон ва дастгирии ҳазорҳо мухлиси маҳаллӣ футболбозони мо то дақиқаҳои охир муборизаро идома доданд.
Дар натиҷа бозӣ бо ҳисоби ғайриоддии 5:5 анҷом ёфт. Ин натиҷа бори дигар нишон дод, ки мунтахаби Тоҷикистон имрӯз метавонад бо ҳар рақиби осиёӣ муборизаи баробар анҷом диҳад.
Бо ин мусовӣ Тоҷикистон дар гурӯҳи “А” мақоми дуюмро касб карда, ба даври чорякниҳоӣ роҳ ёфт.
Акнун мунтахаби Тоҷикистонро муҳимтарин бозии мусобиқот интизор аст. Дар даври чорякниҳоӣ шогирдони Далер Қаёсов бо тими пурқуввати Ҷопон бозӣ мекунанд.
Мунтахаби Ҷопон яке аз қавитарин дастаҳои наврасони қора ба ҳисоб меравад. Аммо таҷрибаи ҳамин мусобиқот нишон дод, ки наврасони тоҷик аз ному мақоми рақибон ҳарос надоранд.
Коршиносон бар он назаранд, ки барои муваффақ шудан дар муқобили Ҷопон ба футболбозони тоҷик интизоми тактикӣ, истифодаи дурусти имкониятҳо ва устувории равонӣ зарур аст. Дар айни замон бозии ҳамлавар ва руҳияи муборизи даста метавонад ба яке аз омилҳои асосии муваффақият табдил ёбад.
Бозии Тоҷикистону Ҷопон рӯзи 15 май баргузор мешавад ва таваҷҷуҳи ҳазорон мухлиси футболро ба худ ҷалб кардааст.
Гуфтан зарур аст, ки дар пасманзари ин натиҷаҳои таърихӣ нақши сармураббӣ Далер Қаёсов махсус арзёбӣ мешавад. Мутахассиси ҷавон тавонист дар муддати кӯтоҳ дастаи муттаҳид, ҷасур ва рақобатпазир созад.
Яке аз муҳимтарин хусусиятҳои ин мунтахаб руҳияи баланди даставӣ мебошад. Футболбозон дар майдон барои ҳар як тӯб мубориза мебаранд ва дар лаҳзаҳои душвор ҳамдигарро дастгирӣ мекунанд. Ин нишон медиҳад, ки ҳайати мураббиён на танҳо аз ҷиҳати техникӣ, балки аз назари равонӣ низ бо даста кори ҷиддӣ анҷом додааст.
Коршиносон инчунин тактикаи ҷасуронаи мунтахабро махсус таъкид мекунанд. Тоҷикистон дар аксари бозиҳо танҳо ба ҳимоя такя намекунад, балки кӯшиш мекунад, бозии фаъолу ҳамлавар нишон диҳад.
Агар ба бозии бачаҳои тоҷик мунсифона назар кунем, аёнамон мегардад, ки муваффақияти мунтахаби наврасон натиҷаи тасодуфӣ нест. Солҳои охир дар Тоҷикистон ба рушди футболи кӯдакон ва наврасон таваҷҷуҳи бештар зоҳир мешавад.
Бунёди майдончаҳои нави варзишӣ, ташкили академияҳои футбол, иштироки мунтазами дастаҳои наврасон дар мусобиқоти байналмилалӣ ва дастгирии Федератсияи футболи Тоҷикистон барои пешрафти ин соҳа заминаи мусоид фароҳам овардааст.
Имрӯз дар кишвар насли нави футболбозон ба воя мерасад, ки орзу доранд дар дастаҳои маъруфи ҷаҳон бозӣ кунанд ва Тоҷикистонро дар сатҳи байналмилалӣ муаррифӣ намоянд.
Муваффақияти мунтахаби наврасони Тоҷикистон танҳо як дастоварди варзишӣ нест. Ин пирӯзӣ ба мардум эҳсоси ифтихор, иттиҳод ва умед мебахшад.
Имрӯз ин даста ба рамзи ирода, меҳнат ва боварӣ ба неруи ҷавонони тоҷик табдил ёфтааст. Новобаста аз натиҷаи бозии чорякниҳоӣ муқобили Ҷопон, наврасони Тоҷикистон аллакай исбот карданд, ки метавонанд бо беҳтаринҳои қора рақобат намоянд.
Акнун тамоми ҳаводорони варзиши кишвар мунтазири идомаи ин афсонаи зебои футболист. Афсонае, ки метавонад Тоҷикистонро ба дастовардҳои боз ҳам бузургтар расонад.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед