Чанде пеш дар ноҳияи Ҷайҳун вохӯрии ҷавонони фаъол бо сарбозони қисми низомии 2610-и дидбонгоҳи №2-и ба номи Самохвалови Сарраёсати ҳифзи сарҳадоти КДАМ баргузор гардид.

Ба иттилои Саид Сатторов, мудири Бахши кор бо ҷавонон ва варзиши ноҳияи Ҷайҳун, ин мулоқот, ки дар доираи чорабиниҳои бахшида ба “Соли ҷавонон” сурат гирифт, бо мақсади баланд бардоштани ҳисси ватандӯстӣ, худшиносӣ ва худогоҳии миллии ҷавонон доир карда шуд.

Ичунин, аз тарафи мақомоти иҷроияи маҳаллии ҳокимияти давлатии ноҳия дар ҳамбастагӣ бо Бахши кор бо ҷавонон ва варзиш, шуъбаи маориф, комиссариати ҳарбӣ ва ҷамоатҳои шаҳраку деҳоти ноҳия барои сарбозон дастурхони идона густурда шуд.

Дар фарҷом барои сарбозон чорабинии фарҳангӣ-фароғатӣ ва сабқатҳои варзишӣ намоиш дода шуд.

Умед Мирзоев, “ҶТ”