Имрӯз, 18 май дар асоси нақшаи чорабиниҳои муштараки Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Вазорати маориф ва илми Ҷумҳурии Тоҷикистон ва Кумитаи таҳсилоти ибтидоӣ ва миёнаи касбии Ҷумҳурии Тоҷикистон бахшида ба Рӯзи ҷавонони Тоҷикистон дар Филиали Донишгоҳи давлатии Москва ба номи М.В Ломоносов чорабинии маърифатӣ-фарҳангӣ баргузор гардид.

Дар чорабинии мазкур муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Чоршанбезода Сураҷ Сайнак, ректори Филиали Донишгоҳи давлатии Москва ба номи М.В. Ломоносов Файзализода Баҳрулло Файзалӣ иштирок ва суханронӣ намуданд.

Зимни суханронӣ таъкид гардид, ки ҳамасола Рӯзи ҷавонон дар фазои сулҳу дӯстӣ ва муҳаббат ба Ватан бо ташкили чорабиниҳои гуногуни варзишӣ, фарҳангӣ, илмию сиёсӣ бо шукуҳу шаҳомати хосса таҷлил мегардад.

Дар қисмати дигари чорабинӣ аз ҷониби роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба як қатор донишҷӯёни фаъол барои иштироки фаъолона дар чорабиниҳои варзишӣ, фарҳангӣ ва илмию сиёсӣ ифтихорнома тақдим карда шуд.

Дар фарҷом барномаи фарҳангию фароғатӣ бо рақсу сурудҳои дилнишин пешкаш карда шуд.

“ҶТ”