Бо ташаббуси Кумитаи кор бо ҷавонон ва варзиши назди Ҳукумати ҷумҳурӣ зери сарпарастии Президенти Федератсияи футболи Тоҷикистон муҳтарам Рустами Эмомалӣ бахшида Рӯзи ҷавонон ва Соли рушди сайёҳӣ ва ҳунарҳои мардумӣ ҷавонони ҷумҳурӣ ба ноҳияи Данғараи вилояти Хатлон сафар намуданд. 

Дар чорабинии мазкур ҷавонони фаъол аз тамоми шаҳру навоҳии ҷумҳурӣ, гирандагони стипендияи Президентӣ, гирандагони стипендияи Раиси шаҳри Душанбе, ҷавонони касбу кори гуногун, аъзои Маҳфили омӯзишии «Ҷавонон — пайрави Пешвои миллат» ва волонтёрони фаъоли Кумита сафарбар гардидаанд.

Ҷавонон таҳти шиорҳои «Ҷавонон – пайрави Пешвои миллат», «Мо бо Шумоем, Пешвои миллат!» ва «Мо Шуморо дӯст медорем» ба ноҳияи Данғара сафар намуданд.

Тибқи нақша дар ноҳияи Данғара баргузории силсилачорабиниҳои маърифатӣ, фарҳангӣ, роҳпаймоии ҷавонон таҳти унвони «Ҷавонон — пайрави Пешвои миллат», аксияҳои тарғиботиву ташвиқотӣ, боздид аз мавзеъҳои таърихӣ ва чорабинии «Шоми ҷавонӣ» дар назар дошта шудааст.