Ҳайати ҷавонони тоҷик, ки ҷиҳати иштирок дар Фестивали байналмилалии ҷавонон аз 1 март дар минтақаи “Сириус” (Парки олимпӣ) -и шаҳри Сочии Федератсияи Русия қарор доранд, дирӯз бо ҳайати ҷавонони фаъоли вилоятҳои Воронеж ва Запорожски Федератсияи Русия мулоқот намуданд.

Дар ин дидорбинӣ ҷавонон вобаста ба имкониятҳо ва шароитҳои таҳсилу инкишофи ҳамаҷонибаи худ мубодилаи афкор намуданд.

Гуфта мешавад, ки имкониятҳои сайёҳӣ, омӯзишӣ ва фарҳангии ду кишвар дар ин мулоқот баррасӣ гардида, ҷавонони тоҷик аз ҳамсолони худ даъват ба амал овардаанд, ки онҳо низ ба кишвари офтобрӯяи Тоҷикистон ташриф оваранд, то шиносоии бештаре аз кишвари мо дошта бошанд.

Баъд аз мулоқоти расмӣ бахши фарҳангии ин дидор баргузор гардид. Дар бахши фарҳангӣ аҳли санъат ва сарояндагони ду кишвар ҳунарнамоӣ карда, барои ҳозирин як рӯзи фарҳангиро тақдим карданд. 

"Ҷавонони Тоҷикистон"