Дар сархати он Африқо ва минтақаҳои то самти биёбони Сахар ҷой гирифтаанд. Фонди байналмилалии асъор сабаби инро оқибатҳои бемории ҳамагири COVID-19 ва камчинии ваксина дар минтақа арзёбӣ менамояд. Тибқи иттилои ин манбаъ соли 2021 суръати афзоиши ММД дар ин минтақа 3,7 фоиз ва соли 2022 3,8 фоизро ташкил хоҳад дод. Омилҳои мавҷуда боис гардидааст, ки иқтисодиёти кишварҳои ин минтақа солҳои зиёд аз рушд бозмемонад.

Гуфта мешавад, ки пешрафти минбаъдаи ин кишварҳо аз ҷараёни пандемия ва ваксинаи зидди он вобастагии зич хоҳад дошт. Тавре намояндагони Фонд изҳор доштаанд: “Бе кумакҳои дохилии молиявӣ ва техникӣ кишварҳои минтақаи Африқо ва ҷаҳон мунтазам ба чунин шикастҳое мувоҷеҳ хоҳанд шуд, ки хавфи солиёни зиёд аз рушд бозмонданро ба миён меоранд”.
   
Иқтисодиёти давлатҳои ҷанубии Африқо, ки он ҷо кишварҳои аз лиҳози саноатӣ каме рушдкардаи қитъа ҷойгиранд, соли 2021 то 5 фоиз афзоиш меёбад, вале дар соли 2022 ҷараёни рушд то сатҳи 2,2 фоиз коҳиш хоҳад ёфт. Болоравии бесобиқаи нархи нафт барои баланд шудани ММД-и кишвари Нигерия дар соли 2021 мусоидат намудааст. Иқтисодиёти Ангола соли 2021 ба андозаи 0,7 фоиз коҳиш ёфтааст, аммо соли 2022 каме афзоиш ёфтани он дар назар аст. Дар ин сурат ММД 2,4 фоизро ташкил медиҳад.

Чунин вазъ, ҳамчунин гуруснагӣ ва камчинии маводи ғизоӣ дар ин минтақаҳо аз соли 2019 шуруъ шудааст. Тибқи иттилои фонд болоравии нархи маҳсулоти ғизоӣ аз мушкилоти ҷиддии ин минтақа, бахусус 30 миллион аҳолии бар асари пандемияи коронавирус дар ҳоли фақр қарордошта, боқӣ хоҳад монд. Таҳлилгарон камбағалиро дар ин кишварҳо ба сатҳи пасти эмгузаронӣ ва даромади хеле ками аҳолӣ арзёбӣ мекунанд.