3 март Президенти Ҷумҳурии Тоҷикистон муҳтарам Эмомалӣ Раҳмон ба Шаҳбоз Шариф барои интихоб шуданаш ба мансаби Сарвазири Ҷумҳурии Исломии Покистон барқияи табрикӣ ирсол намуданд.

Пешвои миллат ба Шаҳбоз Шариф саломатии комил хоста, дар иҷрои нақшаҳояш ҷиҳати рушди иҷтимоиву иқтисодии Покистон ва беҳбуди сатҳи некуаҳволии комёбиҳо орзу кардаанд.

Гуфта шудааст, ки Тоҷикистон ва Покистонро анъанаҳои деринаи робитаҳои дӯстӣ, ҳамдигарфаҳмӣ ва эҳтирому эътимод ба якдигар ба ҳам мепайванданд.

“Боиси қанотмандист, ки ҳамкориҳои гуногунҷанбаи кишварҳои мо бо такя ба ин анъанаҳои нек имрӯзҳо бемайлон рушд ёфта, бо мазмуну муҳтавои нав ғанӣ мегарданд.

Зимни таъкиди рағбати пайвастаи инҷониб ба идомаи муколамаи байнидавлатӣ ва ҳамкориву ҳамоҳангӣ бо Шумо дар пешбурди самарабахши ин раванд, бо камоли майл Шуморо ҷиҳати анҷом додани боздид аз Тоҷикистон даъват менамоям.

Бар он боварам, ки мо бо талошҳои муштараки минбаъда шарикии дарозмуддати кишварҳоямонро ба нафъи мардумонамон таҳкиму тавсеа хоҳем бахшид,”-омадааст дар идомаи табрикот.