Имрӯз китоби ““Бонувони Тоҷикистон”- чеҳраҳо, истиқлолият”, ки аз ҷониби маҷаллаи “Бонувони Тоҷикистон” дар КВД КТН “Шарқи озод” нашр шудааст, ба китобхонаи рӯзномаи “Ҷавонони Тоҷикистон” тақдим гардид.

Маҷмуаи мазкур беҳтарин мақолаву мусоҳиба, лавҳаю очеркҳо, шеъру таронаҳои дар маҷаллаи “Бонувони Тоҷикистон” тайи солҳои 2017-2022 ба табърасидаи журналистони ҳирфаӣ, адибону ҳаводорони доимии нашрияро фаро гирифтааст.

Бояд гуфт, ки матлабҳои китоби мазкур аз Рӯзи Истиқлоли давлатии Тоҷикистон, аҳамияти таърихии Иҷлосияи сарнавиштсози XVI Шурои Олии Ҷумҳурии Тоҷикистон, ташаббусҳои Пешвои муаззами миллат муҳтарам Эмомалӣ Раҳмон, дастовардҳои кишвар дар зарфи 30 соли охир, чеҳраҳои бонувони номошнои мамлакат, худшиносию ватанпарастӣ, расму оинҳои миллӣ, шукуҳу шаҳомати ҷаҳонӣ ёфтани шаҳри дилорои Душанбе ва ғайра ҳикоят менамоянд.

Ин китоб бо теъдоди 2000 нусха чоп гардида, ба доираи васеи хонандагон пешкаш мегардад.

“ҶТ”