Дар асоси қарори Ҳукумати Ҷумҳурии Тоҷикистон аз 9 феврали соли 2016, №53 «Дар бораи тасдиқи Барномаи рушди муассисаҳои фарҳангӣ дар вилояти Суғд барои солҳои 2016-2020» қарори раиси вилояти Суғд аз 5 апрели соли 2016, №162 ба тасвиб расид.

Ба иттилои Хадамоти матбуоти раиси вилояти Суғд, ин барнома бо мақсади татбиқи дастуру супоришҳои Президенти мамлакат, Пешвои миллат, муҳтарам Эмомалӣ Раҳмон таҳия гардида, мақсади асосии он таъмини рушди устувори муассисаҳои фарҳанг дар марҳилаи нави пешрафти ҳаёти иҷтимоӣ-иқтисодӣ ва фарҳангии вилоят мебошад.

Айни замон дар вилояти Суғд 354 китобхонаи оммавӣ, 275 клуб, 7 осорхона, 15 боғи фарҳангу фароғат, 5 театри халқӣ, 7 ансамбли тарона ва рақс, 6 театри касбӣ, 1 филармонияи халқӣ, муассисаҳои давлатии вилоятии Кохи фарҳанги ба номи Абӯабдуллоҳ Рӯдакӣ, ансамбли шашмақомхонони «НуриХуҷанд», мактаби рақсии «Зебо Аминзода», Қасри маданияти Арбоб ва ғайраҳо фаъолият намуда, дар рушди соҳа ва болоравии фарҳангу маънавиёти мардум саҳм мегузоранд.

Саодат ИСМОИЛӢ