Озмуни шеъру суруди Кумитаи ҷавонон, варзиш ва сайёҳӣ бахшида ба Рӯзи Модар ҷамъбаст гардид.

Аҳтам Абдуллозода, раиси Кумитаи ҷавонон, варзиш ва сайёҳӣ зимни ҷамъбасти он суханронӣ карда, бонувонро ба Рӯзи модар таҳният гуфта, зикр кард, ки модарон дар баробари тарбияи фарзанд ва пешрафти ҷамъият нақши назаррас доранд.

Дар озмун аз тарафи донишҷӯёни муассисаҳои олии ҷумҳурӣ шеъру сурудҳои баҳор, модар, ҳаёт ва ишқ суруда шуд. Ғолибон бо туҳфаҳои хотиравӣ ва “Сипоснома”-ҳои Кумитаи ҷавонон, варзиш ва сайёҳӣ сарфароз гаштанд.

Пеш аз оғози чорабинӣ дастранҷи ҷавонони Колеҷи тиббӣ, ва ташкилоти ҷамъиятии “Мумтоз”-и ҳунарҳои мардумӣ ва чанде аз муассисаҳои дигар ба намоиш гузошта шуд.