ФАРҲАНГ
Шанбе 21 Декабр 2024 05:45
Барои шинохти ҳар миллат ва давлат дар баробари дигар муқаддасоти миллӣ ҳунарҳои мардумӣ хеле муҳим ва зарурӣ мебошанд.
Имрӯзҳо дар шаҳри Бӯстони вилояти Суғд ҷиҳати таҳким бахшидани ҳунарҳои мардумӣ, ки ҷузъи муҳим ва аҳамиятноки фарҳанги миллӣ дониста мешавад, корҳои назаррасе анҷом дода мешаванд. Чунончи, аз рӯзҳои аввали “Соли рушди сайёҳӣ ва ҳунарҳои мардумӣ” эълон гардидани соли 2018 силсилачорабиниҳои фарҳангӣ ва эҳёкунандаи ҳунарҳои миллӣ ташкил шуданд. Аз ҷумла бо ташаббуси мақомоти шаҳр 30 январи соли ҷорӣ дар боғи фарҳангӣ-фароғатии шаҳр ба номи устод Садриддин Айнӣ чорабинии ҷашни “Сада” бо фарогирии зиёда аз ҳазор нафар сокинони шаҳр ва ҷавонони касбу кори гуногун доир гардида, намоиши маҳсулоти кишоварзӣ, ярмаркаи фурӯши ниҳолҳои мевадиҳандаву сояафкан, инчунин, намоиши ҳунарҳои гуногуни дастӣ, ҳунарҳои мардумӣ сурат гирифта, иштирокчиёни чорабинӣ маҳсули дасти ҳунармандони шаҳрро тамошо намуданд. Ҳунармандон бо намоиш додани маҳсули ҳунари дастии хеш исбот намуданд, ки миллати тоҷик миёни дигар халқҳои ҷаҳон бо ҳунару фарҳанги пурғановаташ ҷойгоҳи махсус дорад.
Имрӯз дар шаҳри Бӯстон ҳунарҳои гуногуни мардумӣ, аз қабили дӯзандагӣ, муҳрабофӣ, қолинбофӣ, сӯзанидӯзӣ, адрасбофӣ, рассомӣ ва кандакорӣ идома дода мешаванд. Мунаввар Ҳусейнова яке аз ҳунармандони адрасбоф мебошад, ки то имрӯз дар самти адрасбофӣ фаъолияти босамар намуда, дар рушди ин навъи ҳунар саҳми арзанда гузоштааст. Тоҷибахт Шакархоҷаева бошад, дар ҳунари бофандагӣ аз ҳунармандони шинохта дар шаҳри Бӯстон аст. Ӯ то ин дам дар риштаи бофандагӣ кор карда, бо маҳсули дасти хеш дар чорабиниҳои гуногуни ҷумҳуриявӣ иштирок намудааст.
Бояд зикр намуд, ки яке аз роҳҳои тарғиб ва таҳкиму инкишоф ёфтани ҳунарҳои бадеӣ-халқӣ ташкили чорабиниҳои гуногун мебошад. Дар шаҳри Бӯстон бо дарки ин нукта давоми се моҳи соли ҷорӣ намоишҳои зиёде доир гардидаанд. Аз ҷумла 24 феврали соли 2018 аз тарафи шуъбаву бахшҳои мақомоти шаҳр дар саҳни Мактаби президентии шаҳри Бӯстон намоиши калони ҳунарҳои миллӣ-мардумии корхонаву муассисаҳои шаҳр баргузор гардида, дар чорабинии мазкур бо истифода аз усулҳои гуногун нозукиҳои ҳунарҳои таърихиву анъанавии тамоми сокинони шаҳр, ки намояндагони тамоми маҳалҳои ҷумҳурӣ мебошанд, ба намоиш гузошта шуданд. Дар байни занон ва ҷавондухтарон сӯзанидӯзҳо, бофандаҳо, муҳрабофҳо, ҷӯроббофҳо, атласу адрасбофҳо, қолинбофҳо, пазандаҳои таомҳои миллӣ, қаннодҳо, рассомҳо, навозандаҳои асбобҳои мусиқии халқӣ, сарояндаҳои сурудҳои халқӣ ва дар байни мардон ва ҷавонписарон дуредгарон, кафшдӯзҳо, кандакорон, заргарҳо ва рассомон ҳунарҳои дастии худро муаррифӣ намуда, ба маърази тамошо гузоштанд.
Инчунин, 7 марти соли ҷорӣ тибқи нақша-чорабиниҳои бахши кор бо ҷавонон ва варзиши шаҳри Бӯстон дар ҳамбастагӣ бо дигар шуъбаву бахшҳо бахшида ба эълон гардидани соли 2018 “Соли рушди сайёҳӣ ва ҳунарҳои мардумӣ” ва Рӯзи модар дар даромадгоҳи Қасри фарҳанги шаҳр дастовардҳои ҳунарҳои мардумии ҷавонони шаҳр ба намоиш гузошта шуда, дар он рангорангии фарҳанги миллати куҳанбунёди тоҷик дар маҳсули дасти ҳунармандон баръало намоён гардида, тамошобинон ба ҳунари волои ҳунармандон аҳсану офарин хонданд.
Ба таъкиди масъулин гузаронидани чорабиниҳои фарҳангӣ-фароғатӣ ва намоишҳои гуногуни ҳунарҳои халқӣ яке аз роҳҳои аз нав зинда намудани ҳунарҳои мардумӣ буда, инчунин, имконияти хуби муаррифӣ намудани он миёни аҳолӣ мебошад. Махсусан дар паи баргузор намудани чунин чорабиниҳо ҳисси ҳунаромӯзии наврасону ҷавонон зиёд гардида, таваҷҷуҳи эшон ҷиҳати аз бар намудани ҳунарҳои миллӣ меафзояд.
Бо мақсади тарбия намудани хонандагон ва наврасон дар руҳияи ватандӯстиву зебоипарастӣ ва барои баланд бардоштани сифати дониши хонандагон ва наврасон ва омӯзонидани ҳунарҳои мардумӣ ба онҳо дар шаҳри Бӯстон Маркази таҳсилоти иловагии шуъбаи маорифи шаҳр фаъолият дорад, ки дар он 14 маҳфил - “Забонро биомӯз”, “Табиатдӯстон”, “Дӯзандагӣ”, “Сӯзанидӯзӣ”, “Бофандагӣ”, “Русское слово”, “Қолинбофӣ” “Адрасбофӣ”, “Табиатдӯстон”, “Шоҳмот” ва “Рассомӣ” амал менамояд. То имрӯз чандин нафар наврасону ҷавонон дар онҳо иштирок намуда, соҳиби ҳунарҳои гуногун шудаанд.
Бо ташаббуси бахши Агентии меҳнат ва шуғли аҳолӣ дар шаҳри Бӯстон сокинон ва ҷавонони шаҳр аз рӯи ихтисосҳои дӯзандагӣ, заргарӣ ва адрасу атласбофӣ ба омӯзиш фаро гирифта шуда, соли 2017 130 нафар курсҳои кӯтоҳмуддати ҳунаромӯзиро хатм намудаанд, ки аз ин шумор 48-нафарашонро ҷавонон ташкил медиҳанд. Аз аввали соли 2018 бошад, 31 нафар аз намудҳои гуногуни ҳунарҳои миллӣ ва мардумӣ соҳибкасб гардидаанд, ки аз ин шумор 15 нафарашон ҳунари дӯзандагиро аз бар намуда, имрӯз ҳар яке дар алоҳидагӣ ба истеҳсол машғуланд.
Дар умум, масъулину ҳунармандони шаҳри Бӯстон ҷиҳати дар амал татбиқ намудани Паёми имсолаи Пешвои миллат, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон оиди эълон намудани соли 2018 “Соли рушди сайёҳӣ ва ҳунарҳои мардумӣ”, инчунин, дар эҳё ва таҳкиму рушд бахшидани ҳунарҳои миллии мардумӣ фаъолияти худро ба роҳ монда, дар ин самт ташкил ва баргузории силсилачорабиниҳо, гузаронидани суҳбат байни ҷавонони бекор оиди ҷалби онҳо ба курсҳои ройгони омӯзиши ҳунарҳои мардумӣ, аз қабили атласу адрасбофӣ, дӯзандагӣ ва дуредгариро дар давоми соли ҷорӣ ба нақша гирифта, дар рушди ҳунарҳои мардумӣ саҳми худро хоҳанд гузошт.
Имрӯзҳо дар шаҳри Бӯстони вилояти Суғд ҷиҳати таҳким бахшидани ҳунарҳои мардумӣ, ки ҷузъи муҳим ва аҳамиятноки фарҳанги миллӣ дониста мешавад, корҳои назаррасе анҷом дода мешаванд. Чунончи, аз рӯзҳои аввали “Соли рушди сайёҳӣ ва ҳунарҳои мардумӣ” эълон гардидани соли 2018 силсилачорабиниҳои фарҳангӣ ва эҳёкунандаи ҳунарҳои миллӣ ташкил шуданд. Аз ҷумла бо ташаббуси мақомоти шаҳр 30 январи соли ҷорӣ дар боғи фарҳангӣ-фароғатии шаҳр ба номи устод Садриддин Айнӣ чорабинии ҷашни “Сада” бо фарогирии зиёда аз ҳазор нафар сокинони шаҳр ва ҷавонони касбу кори гуногун доир гардида, намоиши маҳсулоти кишоварзӣ, ярмаркаи фурӯши ниҳолҳои мевадиҳандаву сояафкан, инчунин, намоиши ҳунарҳои гуногуни дастӣ, ҳунарҳои мардумӣ сурат гирифта, иштирокчиёни чорабинӣ маҳсули дасти ҳунармандони шаҳрро тамошо намуданд. Ҳунармандон бо намоиш додани маҳсули ҳунари дастии хеш исбот намуданд, ки миллати тоҷик миёни дигар халқҳои ҷаҳон бо ҳунару фарҳанги пурғановаташ ҷойгоҳи махсус дорад.
Имрӯз дар шаҳри Бӯстон ҳунарҳои гуногуни мардумӣ, аз қабили дӯзандагӣ, муҳрабофӣ, қолинбофӣ, сӯзанидӯзӣ, адрасбофӣ, рассомӣ ва кандакорӣ идома дода мешаванд. Мунаввар Ҳусейнова яке аз ҳунармандони адрасбоф мебошад, ки то имрӯз дар самти адрасбофӣ фаъолияти босамар намуда, дар рушди ин навъи ҳунар саҳми арзанда гузоштааст. Тоҷибахт Шакархоҷаева бошад, дар ҳунари бофандагӣ аз ҳунармандони шинохта дар шаҳри Бӯстон аст. Ӯ то ин дам дар риштаи бофандагӣ кор карда, бо маҳсули дасти хеш дар чорабиниҳои гуногуни ҷумҳуриявӣ иштирок намудааст.
Бояд зикр намуд, ки яке аз роҳҳои тарғиб ва таҳкиму инкишоф ёфтани ҳунарҳои бадеӣ-халқӣ ташкили чорабиниҳои гуногун мебошад. Дар шаҳри Бӯстон бо дарки ин нукта давоми се моҳи соли ҷорӣ намоишҳои зиёде доир гардидаанд. Аз ҷумла 24 феврали соли 2018 аз тарафи шуъбаву бахшҳои мақомоти шаҳр дар саҳни Мактаби президентии шаҳри Бӯстон намоиши калони ҳунарҳои миллӣ-мардумии корхонаву муассисаҳои шаҳр баргузор гардида, дар чорабинии мазкур бо истифода аз усулҳои гуногун нозукиҳои ҳунарҳои таърихиву анъанавии тамоми сокинони шаҳр, ки намояндагони тамоми маҳалҳои ҷумҳурӣ мебошанд, ба намоиш гузошта шуданд. Дар байни занон ва ҷавондухтарон сӯзанидӯзҳо, бофандаҳо, муҳрабофҳо, ҷӯроббофҳо, атласу адрасбофҳо, қолинбофҳо, пазандаҳои таомҳои миллӣ, қаннодҳо, рассомҳо, навозандаҳои асбобҳои мусиқии халқӣ, сарояндаҳои сурудҳои халқӣ ва дар байни мардон ва ҷавонписарон дуредгарон, кафшдӯзҳо, кандакорон, заргарҳо ва рассомон ҳунарҳои дастии худро муаррифӣ намуда, ба маърази тамошо гузоштанд.
Инчунин, 7 марти соли ҷорӣ тибқи нақша-чорабиниҳои бахши кор бо ҷавонон ва варзиши шаҳри Бӯстон дар ҳамбастагӣ бо дигар шуъбаву бахшҳо бахшида ба эълон гардидани соли 2018 “Соли рушди сайёҳӣ ва ҳунарҳои мардумӣ” ва Рӯзи модар дар даромадгоҳи Қасри фарҳанги шаҳр дастовардҳои ҳунарҳои мардумии ҷавонони шаҳр ба намоиш гузошта шуда, дар он рангорангии фарҳанги миллати куҳанбунёди тоҷик дар маҳсули дасти ҳунармандон баръало намоён гардида, тамошобинон ба ҳунари волои ҳунармандон аҳсану офарин хонданд.
Ба таъкиди масъулин гузаронидани чорабиниҳои фарҳангӣ-фароғатӣ ва намоишҳои гуногуни ҳунарҳои халқӣ яке аз роҳҳои аз нав зинда намудани ҳунарҳои мардумӣ буда, инчунин, имконияти хуби муаррифӣ намудани он миёни аҳолӣ мебошад. Махсусан дар паи баргузор намудани чунин чорабиниҳо ҳисси ҳунаромӯзии наврасону ҷавонон зиёд гардида, таваҷҷуҳи эшон ҷиҳати аз бар намудани ҳунарҳои миллӣ меафзояд.
Бо мақсади тарбия намудани хонандагон ва наврасон дар руҳияи ватандӯстиву зебоипарастӣ ва барои баланд бардоштани сифати дониши хонандагон ва наврасон ва омӯзонидани ҳунарҳои мардумӣ ба онҳо дар шаҳри Бӯстон Маркази таҳсилоти иловагии шуъбаи маорифи шаҳр фаъолият дорад, ки дар он 14 маҳфил - “Забонро биомӯз”, “Табиатдӯстон”, “Дӯзандагӣ”, “Сӯзанидӯзӣ”, “Бофандагӣ”, “Русское слово”, “Қолинбофӣ” “Адрасбофӣ”, “Табиатдӯстон”, “Шоҳмот” ва “Рассомӣ” амал менамояд. То имрӯз чандин нафар наврасону ҷавонон дар онҳо иштирок намуда, соҳиби ҳунарҳои гуногун шудаанд.
Бо ташаббуси бахши Агентии меҳнат ва шуғли аҳолӣ дар шаҳри Бӯстон сокинон ва ҷавонони шаҳр аз рӯи ихтисосҳои дӯзандагӣ, заргарӣ ва адрасу атласбофӣ ба омӯзиш фаро гирифта шуда, соли 2017 130 нафар курсҳои кӯтоҳмуддати ҳунаромӯзиро хатм намудаанд, ки аз ин шумор 48-нафарашонро ҷавонон ташкил медиҳанд. Аз аввали соли 2018 бошад, 31 нафар аз намудҳои гуногуни ҳунарҳои миллӣ ва мардумӣ соҳибкасб гардидаанд, ки аз ин шумор 15 нафарашон ҳунари дӯзандагиро аз бар намуда, имрӯз ҳар яке дар алоҳидагӣ ба истеҳсол машғуланд.
Дар умум, масъулину ҳунармандони шаҳри Бӯстон ҷиҳати дар амал татбиқ намудани Паёми имсолаи Пешвои миллат, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон оиди эълон намудани соли 2018 “Соли рушди сайёҳӣ ва ҳунарҳои мардумӣ”, инчунин, дар эҳё ва таҳкиму рушд бахшидани ҳунарҳои миллии мардумӣ фаъолияти худро ба роҳ монда, дар ин самт ташкил ва баргузории силсилачорабиниҳо, гузаронидани суҳбат байни ҷавонони бекор оиди ҷалби онҳо ба курсҳои ройгони омӯзиши ҳунарҳои мардумӣ, аз қабили атласу адрасбофӣ, дӯзандагӣ ва дуредгариро дар давоми соли ҷорӣ ба нақша гирифта, дар рушди ҳунарҳои мардумӣ саҳми худро хоҳанд гузошт.
Хабарҳои дигар
Рӯзнома
Эзоҳи худро нависед