Шоми 18 август дар Маркази фарҳангии ҷавонон -"Ориёно" бо ташаббуси Кумитаи ҷавонон, варзиш ва сайёҳии назди Ҳукумати ҷумҳурӣ барномаи фарҳангӣ-эҷодии ҷавонон, “Шоми Ориёно” баргузор гардид.

Барномаи фарҳангӣ аз ҷониби Маркази кӯдакон ва наврасони шаҳри Душанбе омода шуд. Ҳамчунин дар барномаи мазкур гуруҳи валантиёрони фаъол бо ташкил намудани саҳначаҳои ҳазлӣ таъби ҳозиринро болида гардониданд.

Дар барномаи фарҳангӣ муовини раиси Кумитаи ҷавонон, варзиш ва сайёҳӣ Ҳабибулло Амирбекзода, сардори Раёсати кор бо ҷавонони Кумита Аҳмадзода Дилноза ва донишҷӯёну хонандагон ҳузур доштанд.

Дар назар аст, ки то ҷашни Истиқлолият чунин барномаҳои фарҳагӣ ҳар ҳафта рӯзҳои панҷшанбе ва шанбе дар ин макон доир гарданд.