Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Боғи “Роҳи оҳанчиён”-и шаҳри Кӯлоб аз тарафи КВД Роҳи оҳани Ҷумҳурии Тоҷикистон таъмиру навсозӣ мегардад.

Масоҳати боғи зиёда аз 5 гектарро ташкил дода, дар он майдончаи варзишӣ, майдончаи бозии кӯдакон, майдони фароғатӣ, аттраксионҳо ба нақша гирифта шудааст.

Инчунин боғи мазкур бо гулу буттаҳо, дарахтони ҳамешасабзу ороишӣ ва фаввораҳо зиннат дода шуда, курсиҳо барои нишаст низ насб карда мешавад.

Айни замон, корҳои навсозӣ идома дошта, масъулин тасмим доранд, ки то ҷашни 28-солагии Истиқлолияти давлатии Ҷумҳурии Тоҷикистон иншоотро пурра ба истифода супоранд.