Филми  кӯтоҳи "Коса" ҷоизаи филми беҳтаринро дар байни филмҳои кӯтоҳ ва филми ҳуҷҷатии "Духтари Сайҳун" дар байни 30 филми ҷашнвораи байналмилаии "Навсоз" дар шаҳри Душанбе соҳиби Шоҳҷоиза гардид.

Тибқи иттилоъи продюссери киностудияи "Суғдсинамо" Дилошӯб Орифзода ҷашнвораи байналмилаии "Навсоз" санаҳои 16-20 сентябри соли равон дар шаҳри Душанбе бо доварии мутахассисони соҳаи синамо доир гардид.
Ду филм аз аввалин филмҳои Муассисаи давлатии "Суғдсинамо" буда, соли ‎2015-2016 сабт шудаанд.

Ёдовар мешавем, ки  филми кӯтоҳҳаҷми “Коса”-и киностудия моҳи сентябри соли ҷорӣ дар 12-умин фестивали байналмилалии филмҳои мусалмонӣ дар шаҳри Қазони Федератсияи Русия иштирок намуда, се роҳхатро барои иштрок дар аввалин фестивали байналмилалии ОСА IF 2016 (Open Central Asia) ба даст овард. Фестивалҳои мазкур моҳи октябри соли равон дар шаҳри Лондони Британияи Кабир, Рими Итолиё  ва шаҳри Даккаи Бангладеш баргузор мешавад.

Филми “Коса” фарогири 25 дақиқа буда, он ба  мавзӯи муҳим- оилаву оиладорӣ ва муқаддасоти он бахшида шудааст.