ФАРҲАНГ
Якшанбе 08 Сентябр 2024 09:36
![8432](/upload/iblock/21e/Untitled-1.jpg)
Нахустин филми ҳунарии “Хирсҳо”-и коргардони ҷавони тоҷик Пайрав Шарифӣ дар 5-умин Ҷашнвораи байналмилалии филмҳои “Зилант”-и шаҳри Қазони Тотористон беҳтарин филми донишҷӯ дониста шуд.
Ба гуфтаи коргардони филм, “Хирсҳо” соли 2020 дар шаҳри Санкт-Петербург аз рӯйи филмномаи Пайрав Шарифӣ ба навор гирифта шуда, давомнокии он 25 дақиқа мебошад. Он дар жанри драма рӯйи навор омада, бо дастгирии Донишкадаи давлатии синамо ва телевизиони Санкт-Петербург сохта шудааст.
Шарифӣ мегӯяд, интизор надошт, ки филмаш соҳиби ҷоиза мегардад: “Пас аз шунидани ин хабар бисёр хушнуд гаштам, ки филми моро дарк ва қадр намуданд. Ин масъулияти бузург аст, махсусан барои корҳои эҷодиии ояндаам”.
Ин комёбии аввалини “Хирсҳо” набуда, пеш аз ин филм дар Ҷашнвораи байналмилалии “Тахайюлпардоз”-и шаҳри Алма-Атои Қазоқистон ҷоизаи “Беҳтарин нақши мардона”-ро ба даст овардааст.
Пайрав Шарифӣ хатмкардаи Мактаби синамогарони ҷавони назди Муассисаи давлатии “Тоҷикфилм” буда, 25 сол дорад. Ӯ ҳоло донишҷӯи Донишкадаи давлатии синамо ва телевизиони Санкт-Петербурги Федератсияи Русия мебошад.
Ардашер Пайванд, “ҶТ”
Ба гуфтаи коргардони филм, “Хирсҳо” соли 2020 дар шаҳри Санкт-Петербург аз рӯйи филмномаи Пайрав Шарифӣ ба навор гирифта шуда, давомнокии он 25 дақиқа мебошад. Он дар жанри драма рӯйи навор омада, бо дастгирии Донишкадаи давлатии синамо ва телевизиони Санкт-Петербург сохта шудааст.
Шарифӣ мегӯяд, интизор надошт, ки филмаш соҳиби ҷоиза мегардад: “Пас аз шунидани ин хабар бисёр хушнуд гаштам, ки филми моро дарк ва қадр намуданд. Ин масъулияти бузург аст, махсусан барои корҳои эҷодиии ояндаам”.
Ин комёбии аввалини “Хирсҳо” набуда, пеш аз ин филм дар Ҷашнвораи байналмилалии “Тахайюлпардоз”-и шаҳри Алма-Атои Қазоқистон ҷоизаи “Беҳтарин нақши мардона”-ро ба даст овардааст.
Пайрав Шарифӣ хатмкардаи Мактаби синамогарони ҷавони назди Муассисаи давлатии “Тоҷикфилм” буда, 25 сол дорад. Ӯ ҳоло донишҷӯи Донишкадаи давлатии синамо ва телевизиони Санкт-Петербурги Федератсияи Русия мебошад.
Ардашер Пайванд, “ҶТ”
Эзоҳи худро нависед