Бегоҳии имрӯз дар Театри давлатии академии драмавии ба номи А. Лоҳутӣ бахшида ба фаъолияти эҷодии Ҳунарпешаи халқии Тоҷикистон Гуландом Сафаралиева таҳти унвони “Гули саҳна” маҳфили эҷодӣ баргузор мегардад.

Дар ин хусус гурӯҳи фейсбукии Театри Лоҳутӣ хабар медиҳад.

Бино ба иттилои манбаъ оғози маҳфил соати 17:30 буда, ҳаводорон ва ихлосмандони ҳунари Гуландом Сафаралиева метавонанд дар он иштирок намоянд.

Лозим ба зикр аст, ки Гуландом Сафаралиева 25 июни соли 1946 дар деҳаи Дошманди ноҳияи Кӯлоб таввалуд ёфта, дар Театри давлатии академӣ-драмавии ба номи Абулқосим Лоҳутӣ беш аз чор даҳсола ба сифати ҳунарпеша заҳмат кашидааст.

Гулафшон КАРИМОВА,“ҶТ”