Дар Донишгоҳи давлатии Хоруғ (ДДХ) ба номи Моёншо Назаршоев бо дастгирии сафорати Ҳиндустон дар Тоҷикистон Маркази таълимӣ – фарҳангӣ барои омӯзгорону донишҷӯён кушода шуд.

Дар маросими кушодашавии он Сафири Ҳиндустон дар кишвар Сомнатҳ Гҳош, ректори донишгоҳ, профессор Шермамад Ҷонмамадов, меҳмонони хориҷӣ ва устодону муҳассилини ДДХ ширкат намуданд.

Тавре зикр гардид, марказ бо маблағи 132 000 сомонӣ мавриди баҳрабардорӣ қарор гирифта, дар он асосан курсҳои забони англисӣ, йога ва трейнингҳои омӯзишӣ барои омӯзгорони риштаи иқтисод гузаронида мешавад. Ҳамчунин дар як ҳафта барои донишҷӯён филмҳои мустанади тарбиявӣ – ахлоқӣ нишон дода мешаванд.