Дар мақомоти иҷроияи ҳокимияти давлатии ноҳияи Рашт гурӯҳи хабарнигорон, ки бо ташаббуси Иттифоқи журналистони Тоҷикистон ба ин минтақаи кишвар сафар карданд, бо фаъолони ноҳия мулоқот доир намуданд.

Зумрад Лоиқова, муовини раиси ноҳия дар мавриди дастовардҳои солҳои охир ҳисобот дод. Гуфта шуд, ба муносибати 25-солагии Истиқлолияти давлатӣ сохтмони як қатор иншоот идома дорад.

Дар рӯзҳои ҷашн дар шаҳраки Ғарм аз ҷумла, меҳмонхона ва Қасри фарҳанг  баъд аз тармиму таъмири асосӣ ба истифода дода мешавад.

Ба гуфтаи Зумрад Лоиқова як соли охир коргоҳи дузандагӣ, матбааи замонавӣ ва мактаби мусиқӣ мавриди истифода қарор гирифт. Ҳоло рӯзномаҳои ноҳияҳои минтақа дар матбааи шаҳраки Ғарм чоп мешаванд.