29 ноябр дар Вазорати фарҳанги Ҷумҳурии Тоҷикистон маросими ҷамъбасти Озмуни ҷумҳуриявии “Китоби сол -2023” бо иштироки ҳайати ҳакамон, иштирокдорон ва ғолибони озмун, шоирону нависандагон ва алоқамандони китоб баргузор гардид.

Ба таъкиди масъулин ҳадаф аз роҳандозии ин озмун дарёфти беҳтарин асарҳои бадеии муосири тоҷик буда, бояд мазмуну муҳтавои онҳо худшиносии миллӣ, арҷгузорӣ ба рукнҳои давлатдорӣ, таҳкими сулҳу субот, амнияти кишвар ва садоқат ба Ватанро дар бар гирифта бошанд.

Сипас иттилоъ дода шуд, ки ба озмун аз рӯи шаш номина 28 китоби тозанашри бадеии назму наср, публитсистӣ, назму насри бачагона ва тарҷума пешниҳод шуда, аз байни онҳо 18 китоб ғолиби озмуни мазкур гардидааст. Ҳамчунин, муаллиф ва ношири 3 китоби дигар бо Ифтихорномаи Вазорати фарҳанг қадрдонӣ шуданд.

Аз рӯйи хулосаи ҳакамон озмуни имсола бо натиҷаҳои зерин ҷамъбаст гардид:

ДАР БАХШИ КИТОБИ НАЗМ

Ҷойи аввал Раҳмат Назрӣ барои китоби “Меҳвари меҳр”;
Ҷойи дуввум Иззатбек Идизода барои китоби “Шаббода”;
Ҷойи сеюм Исмоил Зарифӣ барои таҳияи китобҳои “Ҳафт китоб”, “Девони ғазалиёт” ва “Куллиёт”.

ДАР БАХШИ КИТОБИ НАСР

Ҷойи аввал Сироҷиддин Икромӣ барои китоби “Барфи хунолуд”;
Ҷойи дуввум Мансур Суруш барои китоби “Два цвета осени”;
Ҷойи сеюм Латофат Кенҷаева барои китоби “Нома ба бародар”.

ДАР БАХШИ АСАРҲОИ ПУБЛИТСИСТӢ

Ҷойи аввал Ҷонибеки Асрориён барои китоби “Достони нозкӯл”;
Ҷойи дуввум Далер Абдулло барои китоби “Касбият, садоқат, ҷасорат”;
Ҷойи сеюм “Бонувони Тоҷикистон” барои китоби “Бонувони Тоҷикистон” чеҳраҳо, истиқлолият”.

ДАР БАХШИ АСАРҲОИ НАЗМИ БАЧАГОНА

Ҷойи аввал Ато Ҳамдам барои китоби “Чароғи раҳнамо”;
Ҷойи дуввум Султонмурод Ҳожибоев барои китоби “Яхши бола қандай бӯлар?”;
Ҷойи сеюм Анӯшервони Алишер барои китоби “Афсонаи қалам”.

ДАР БАХШИ АСАРҲОИ НАСРИ БАЧАГОНА

Ҷойи аввал Маҷид Салим барои китоби “Гавазн ва шикорчӣ”;
Ҷойи дуввум Муродали Собир барои китоби “Қиссаҳои гови алои момои Шарифамоҳ”;
Ҷойи сеюм Алихон Маҳмадов барои китоби “Сароянда ва мусиқии эстрадӣ”.

ДАР БАХШИ АСАРҲОИ ТАРҶУМАИ БАДЕӢ

Ҷойи аввал Амонбой Эуманов, Кароматулло Мирзо барои китобӣ “Бегуноҳ ӯлими”;
Ҷойи дуввум Нашриёти “Адабиёти бачагона” барои китобҳои “Афсонаҳои халқи тоҷик” ва “Таджикскийе народные сказки 4-5”;
Ҷойи сеюм Идораи Рӯзномаи “Хатлон” барои китоби “Ифтихори Ватандорӣ”.

БО “ИФТИХОРНОМА”-И ВАЗОРАТИ ФАРҲАНГ ҚАДРДОНӢ ШУДАНД:

Амир Сайиди Мункӣ барои китоби “Ёди модар...”;
Рухшона Мирзоева барои китоби “Кӯзаи нақшин”;
Сунатулло Одинаев барои китоби “10 барги орзу”.

Зикр гардид, ки китобҳои ба озмун пешниҳодгардида аз лиҳози сифати чоп, жанри бадеӣ ва тартиби ҳуҷҷатнигорӣ мувофиқ буда, ба талаботи Қонуни Ҷумҳурии Тоҷикистон “Дар бораи фаъолияти ноширӣ ва полиграфӣ” ҷавобгӯ мебошанд.

Амони МУҲАММАД, “ҶТ”