Дар муассисаи давлатии “Маркази ҷавонон”- и ВМКБ байни 8 дастаи маҳаллаҳои шаҳри Хоруғ озмуни “Канӣ, духтарон!” баргузор гардид.

Мудири Бахши кор бо ҷавонон ва варзиши шаҳри Хоруғ Имомёрбек Имомёрбеков иттилоъ дод, ки озмун бо иқдоми Бахш дар ҳамкорӣ бо Шуъбаи кор бо ҷавонони Донишгоҳи давлатии Хоруғ ба номи Моёншо Назаршоев гузаронида шуда, дар он беҳтарин дастаҳо аз ҳисоби ҷавондухтарони вилоят байни ҳам рақобат намуданд.

Аз рӯи натиҷаҳои даври охир дастаи “УПД” ҷойи аввалро ба даст оварда, ғолиби озмун гашт. Зинаҳои дуюму сеюм бошад насиби дастаҳои “Шошхоруғ” ва “Гӯлакен” шуданд.

Ба ғолибон аз ҷониби Бахш ифтихорномаву тӯҳфаҳои хотиравӣ тақдим гардид.