Имрӯз дар Душанбе рӯзҳои синамои Қазоқистон бо намоиши филми “Шамшери алмосӣ” ифтитоҳ гардид.

Маросими кушодашавии рӯзҳои синамои Қазоқистон дар кинотолори “Ватан” бо иштироки директори муассисаи давлатии “Тоҷикфилм” Маҳмадсаид Шоҳиён, сафири фавқулодда ва мухтори ҷумҳурии Қазоқистон дар Тоҷикистон Валихан Туреханов, филмофарони ду давлат, ҳамчунин, ихлосмандону ҳаводорони синамо баргузор гардид.

Зимни ин маросим зикр гардид, ки мақсади баргузории рӯзҳои синамои Қазоқистон дар Тоҷикистон таҳкими ҳамкориҳо байни синамогарони тоҷику қазоқ, густариши робитаҳои фарҳангӣ ва табодули таҷриба ба ҳисоб меравад.

Гуфта шуд, ки рӯзҳои синамои Қазоқистон дар доираи сафари давлатии Президенти Ҷумҳурии Қазоқистон Қосим- Жомарт Токаев ба Ҷумҳурии Тоҷикистон доир мегардад.

Он як рӯзи дигар идома ёфта, филмҳои “Амалиёти Набот” ва “Дос-Мукасан” 21 август дар кинотолори ба номи Тоҳир Собиров намоиш дода мешаванд.